USAID სამართლის უზენაესობის პროგრამამ გამართა კარიერული საუბრები ქუთაისში, პირველკურსელი სტუდენტებისთვის აკაკი წერეთლის სახელმწიფო უნივერსიტეტსა და ქუთაისის უნივერსიტეტში.

2023-2024 სასწავლო წელი იურიდიული ფაკულტეტის სტუდენტებისთვის ამ დღეს დაიწყო. ორივე უნივერსიტეტის 200-ზე მეტ სტუდენტს საშუალება ჰქონდა მოესმინათ საქართველოს ადვოკატთა ასოციაციის (GBA) თავმჯდომარე დავით ასათიანის და იურიდიული დახმარების სამსახურის (LAS) პირველი მოადგილე ნინო მელაძისთვის.

პრეზენტაციაზე GBA-ს თავმჯდომარემ აღნიშნა ადვოკატის პროფესიის შესახებ, სადაც ხაზი გაუსვა მის როლს, როგორც მართლმსაჯულების სათანადო განხორციელებისა და კანონის უზენაესობის გარანტზე. მან დამსწრე საზოგადოებას შეახსენა 1918 წლის 26 მაისი, როდესაც თბილისის ეროვნულმა საბჭომ საქართველოს დამოუკიდებლობა გამოაცხადა, დააარსა საქართველოს დემოკრატიული რესპუბლიკა და მიიღო საქართველოს დამოუკიდებლობის აქტი. საქართველოს დამოუკიდებლობის გამოცხადების შემდგომ, ორი წლის განმავლობაში უზენაეს სასამართლოს ხელმძღვანელობდა დავით ხელთუფლიშვილი, რომელიც მოგვიანებით ბოლშევიკურმა რეჟიმმა სიკვდილით დასაჯა.

„ადვოკატის პროფესია თვითრეგულირებადია, მრავალ სარგებელს სთავაზობს მოქალაქეებს, მაგრამ ასევე შეიცავს მაღალ პასუხისმგებლობას, ემსახუროს კლიენტის ინტერესებს პატიოსნად და საუკეთესოდ წარმოადგინოს მისი ინტერესები საკუთარი კომპეტენციის ფარგლებში ფარგლებში. ამავდროულად, ადვოკატი მოქმედებს, როგორც შუამავალი სახელმწიფო ინსტიტუტებსა და მოქალაქეებს შორის, გულმოდგინედ უზრუნველყოფს მოქალაქეების უფლებების სათანადო დაცვას“, - განაცხადა ასათიანმა.

მან ხაზი გაუსვა პროფესიული ეთიკის წესების მნიშვნელობას, რომელიც ყველა ადვოკატმა უნდა დაიცვას. ადვოკატებმა თავი უნდა აარიდონ ინტერესთა კონფლიქტს და უნდა ემსახურონ კლიენტებს კეთილსინდისიერად, მათი საუკეთესო ინტერესების დასაცავად. ამის შეუსრულებლობა არა მხოლოდ აზიანებს ადვოკატის რეპუტაციას, არამედ საფრთხის ქვეშ აყენებს იურიდიული საზოგადოების პროფესიულ მთლიანობასა და ერთიანობას. პროფესიაში წარმატების მთავარი განმსაზღვრელი მდგომარეობს ადვოკატის სამუშაო დისციპლინის მაღალ დონეზე და კლიენტის კონფიდენციალური ინფორმაციის არ გამჟღავნებაში.

LAS-ის პირველმა მოადგილემ, ნინო მელაძემ ისაუბრა ადვოკატის გადამწყვეტ როლზე კანონის უზენაესობის პრინციპების დაცვასა და მართლმსაჯულების ხარისხის უზრუნველყოფის საქმეში. მან ხაზგასმით აღნიშნა, "მოსამართლეები არის ის პირები, ვინც განმარტავენ კანონს  და იღებენ გადაწყვეტილებებს, მაგრამ ადვოკატთა წვლილი შეუცვლელია კანონის შესაბამისად სამართლიანი გადაწყვეტილებებისა და ეფექტური მართლმსაჯულების განხორციელებაში. გარდა ამისა, მართლმსაჯულების სისტემის ეფექტურობა დიდწილად დამოკიდებულია ადვოკატთა პროფესიონალიზმზე, რათა თავიდან იქნეს აცილებული სასამართლო პროცესის არასათანადო გაჭიანურება და უზრუნველყოფილი იყოს წერილობითი ან ზეპირი არგუმენტებისა და მტკიცებულებების დროული წარდგენა."

დასასრულს, GBA-ს თავმჯდომარე დავით ასათიანი და აკაკი წერეთლის სახელმწიფო უნივერსიტეტის რექტორი შეთანხმდნენ ურთიერთთანამშრომლობის მემორანდუმის გაფორმებაზე ქუთაისში ხარისხიანი იურიდიული განათლების მხარდასაჭერად, რაც ასევე მეტი პრაქტიკული კომპონენტების ჩართვას შეუწყობს ხელს უნივერსიტეტების სასწავლო გეგმაში.