USAID სამართლის უზენაესობის პროგრამა, ბათუმის კანონის უზენაესობის ჰაბის ფარგლებში, აგრძელებს თემატური  საუბრების მხარდაჭერას სახელწოდებით კარიერა იურიდიულ პროფესიაში.

ამჯერად პროგრამამ, იურიდიული დახმარების სამსახურთან  (LAS) და შოთა რუსთაველის სახელობის ბათუმის სახელმწიფო უნივერსიტეტთან თანამშრომლობით უმასპინძლა ღონისძიებას, რომელშიც მონაწილეობა მიიღო უნივერსიტეტის იურიდიული ფაკულტეტის 90-ზე მეტმა სტუდენტმა, მათ შორის ბათუმის სხვადასხვა საჯარო და კერძო სკოლების მოსწავლეებმა ამავე სკოლების სამოქალაქო განათლების პედაგოგებთან ერთად. 

ღონისძიების ფარგლებში ახალგაზრდებს  შესაძლებლობა  ჰქონდათ შეხვედროდნენ  ბათუმის საქალაქო სასამართლოს მოსამართლე ხათუნა ბოლქვაძეს, იურიდიული დახმარების სამსახურის  დირექტორს დავით სიმონიას, ამავე სამსახურის  ბათუმის ბიუროს ხელმძღვანელს იამზე ზანდარაძეს და USAID სამართლის უზენაესობის პროგრამის ხელმძღვანელს   გიორგი ჩხეიძეს. 

ღონისძიება გახსნა USAID/კავკასიის დემოკრატიისა და მმართველობის ოფისის კანონის უზენაესობის პროექტის მენეჯერმა, რუსუდან ტაბატაძემ. მან ისაუბრა  მნიშვნელოვან  როლზე, რომელსაც ახალგაზრდა თაობა ასრულებს სამრთლებრივი  სახელმწიფოს მშენებლობაში, რაც საბოლოო ჯამში ხელს უწყობს საქართველოს ევროატლანტიკურ ინტეგრაციას.

მონაწილეებმა მოისმინეს იურიდიული პროფესიის შესახებ და თუ რა მნიშნელოვან როლს ასრულებენ მოსამართლეები და ადვოკატები სამართლიანი საზოგადოების მშენებლობაში.

აღსანიშნავია, რომ მსგავსი შეხვედრები ეხმარება  ახალგაზრდებს    ინფორმირებული კარიერული არჩევანის გაკეთებაში საკუთარი ინტერესების და უნარების მიხედვით. 

აღსანიშნავია, რომ USAID  სამართლის უზენაესობის პროგრამის ვაქციოთ კანონი  ყველასთვის ხელმისაწვდომი - პარალეგალების ინიციატივის სტუდენტი-პარალეგალი ნინო გუგესაშვილი და ია გორგაძე მონაწილეობდნენ შეხვედრაში, რომლებმაც  შეკრებილ ახალგაზრდებს გაუზიარეს ინფორმაცია პარალეგალების  პროექტის აქტივობების შესახებ  და საკუთარი გამოცდილება პროექტში შეძენილ თეორიულ და პრაქტიკულ უნარებთან დაკავშირებით.

მომხსენებლების პრეზენტაციების შემდეგ, სტუდენტები აქტიურად  ჩაერთნენ კითხვა-პასუხის რეჟიმში. მათ გამოხატეს დიდი ინტერესი სხვადასხვა თემების მიმართ, როგორიცაა წარმატებული იურიდიული  კარიერისთვის აუცილებელი უნარები, რა გზის გავლაა საჭირო მოსამართლის პროფესიაში შესვლამდე,  ადვოკატის როლის ფუნდამენტური პრინციპები და ზოგადათ იურისტის პროფესიის ეთიკურ ნორმებსა და ვალდებულებებზე.

კარიერა იურიდიულ პროფესიაში თემატური საუბრები ხელს უწყობს  საინფორმაციო შეხვედრებს ადგილობრივ სასამართლო ხელისუფლების წარმომადგენლებსა და ახალგაზრდებს შორის და  უზრუნველყოფს ღია დიალოგს სხვადასხვა აქტუალურ სამართლებრივ საკითხებზე. USAID სამართლის უზენაესობის პროგრამის მხარდაჭერით ეს არის მეთორმეტე კარიერული საუბარი, 11 აჭარის რეგიონში და ერთი ქუთაისში.