USAID სამართლის უზენაესობის პროგრამის მხარდაჭერით, კოალიციამ დამოუკიდებელი და გამჭვირვალე მართლმსაჯულებისთვის ორდღიანი სამუშაო შეხვედრა გამართა.
შეხვედრაში სამოქალაქო საზოგადოების, USAID/საქართველოს, USAID სამართლის უზენაესობის პროგრამისა და მედიის 27 წარმომადგენელი მონაწილეობდა. მონაწილეებმა განიხილეს კოალიციის გეგმები, სამომავლო ადვოკატირების სტრატეგია და სახელმწიფო და არასახელმწიფო აქტორებთან თანამშრომლობის შესაძლებლობები.

გახსნით სიტყვაში USAID/კავკასიის დემოკრატიისა და მმართველობის ოფისის კანონის უზენაესობის პროექტის მენეჯერმა, რუსუდან ტაბატაძემ, ხაზი გაუსვა სამოქალაქო საზოგადოების ორგანიზაციების როლს სამართლიანი სასამართლო სისტემის ჩამოყალიბებაში. USAID-ის სამართლის უზენაესობის პროგრამის ხელმძღვანელმა გიორგი ჩხეიძემ კიდევ ერთხელ დაადასტურა, რომ პროგრამა მხარს დაუჭერს  სამოქალაქო საზოგადოების ადვოკატირების ინიციატივებს.

2022 წლის მაისში, USAID სამართლის უზენაესობის პროგრამამ, რომელიც კოალიციის სამდივნოს ფუნქციას ასრულებს, ჩაატარა გამოკითხვა, რომელიც მიზნად ასახავდა კოალიციის მუშაობის შესაბამისობისა და ეფექტურობის შესწავლას, ასევე მომავალი საქმიანობის პრიორიტეტული სფეროების გამოვლენას. შეხვედრის მონაწილეებმა კვლევის შედეგები განიხილეს. 

კოალიციის სამომავლო კომუნიკაციის მეთოდების განსაზღვრაში მონაწილეობდნენ მედიის წარმომადგენლები. შეხვედრის დასასრულს კოალიციის წევრებმა მოკლე და გრძელვადიანი მიზნები დასახეს.