თბილისის თავისუფალი უნივერსიტეტის სამართლის სკოლაში, USAID სამართლის უზენაესობის პროგრამის მხარდაჭერით, ადამიანის უფლებათა საკითხებზე კონფერენცია გაიმართა. განსახილველი თემა იყო: სახალხო დამცველის აპარატის როლი და განვითარების პერსპექტივები.

კონფერენციამ საშუალება მისცა ოცდათხუთმეტ სტუდენტს, გაეგო სახალხო დამცველის აპარატის მნიშვნელოვანი როლი და მისი კონსტიტუციური პასუხისმგებლობა. კონფერენცია შედგებოდა ორი პანელისაგან, თითოეულში მონაწილეობდნენ საინტერესო მომხსენებლები.

პირველ პანელში მონაწილეობდნენ თავისუფალი უნივერსიტეტის ასისტენტ-პროფესორი გიორგი მშვენიერაძე; ასევე საქართველოს ახალგაზრდა იურისტთა ასოციაციის თავმჯდომარე, ნონა ქურდოვანიძე; და საქართველოს საკონსტიტუციო სასამართლოს მოსამართლე თეიმურაზ ტუღუში.

მეორე პანელს ხელმძღვანელობდა საქართველოს პარლამენტის ყოფილი წევრი და საკონსტიტუციო კომისიის წევრი ვახტანგ ხმალაძე, თავისუფალ უნივერსიტეტში მოწვეულ ლექტორ, გიორგი ბერაიასთან ერთად.

კონფერენციას უძღვებოდა თავისუფალი უნივერსიტეტის პროფესორი, საქართველოს სახალხო დამცველის ყოფილი მოადგილე გიორგი ბურჯანაძე (2017-2023). ღონისძიების განმავლობაში მომხსენებლები ჩართულნი იყვნენ მნიშვნელოვან დისკუსიებში, რომელიც მოიცავდა თემების ფართო სპექტრს. თემები მოიცავდა საქართველოში სახალხო დამცველის ისტორიულ განვითარებას და ევოლუციას, საკანონმდებლო ბაზას და დაწესებულების საქმიანობის სფეროებს, სახალხო დამცველის კონსტიტუციურ მნიშვნელობას, სახალხო დამცველის შერჩევის პროცესს, სახალხო დამცველის წინაშე არსებული გამოწვევებს და ინსტიტუტის ურთიერთობას, როგორც სამთავრობო, ასევე არასამთავრობო ორგანიზაციებთან.

თითოეული პანელის დასასრულს, მომხსენებლებმა პასუხები გასცეს დამსწრეების მიერ დასმულ შეკითხვებს. დასმული კითხვები ეხებოდა სახალხო დამცველის საქმიანობას, მათ შორის საკანონმდებლო რეგულაციას, საარჩევნო პროცესს და მის ფუნქციონირებას. მონაწილეებმა, ასევე აქტიურად განიხილეს სახალხო დამცველის აპარატის განვითარების პერსპექტივები, გამოიკვლიეს გაუმჯობესებისა და წინსვლის პოტენციური გზები. ამ კონფერენციის საშუალებით, სტუდენტებმა შეაფასეს სახალხო დამცველის აპარატის მნიშვნელობა, მისი ფუნქციონირება და გამოწვევები, რომელთა წინაშეც დგას ეს ინსტიტუტი.