2024 წლის 2 თებერვალს, საქართველოს მედიატორთა ასოციაციამ ონლაინ ტრენინგი ჩაატარა, რომელიც მიზნად ისახავდა მისი წევრების ცოდნის გაღრმავებას მედიაციაში. ტრენინგში, რომელიც USAID სამართლის უზენაესობის პროგრამის მიერ იყო მხარდაჭერილი, 28 მედიატორი მონაწილეობდა, რომლებიც თბილისს, გორს, ქუთაისს, ახალციხესა და ბათუმს წარმოადგენდნენ.

ღონისძიება საქართველოს მედიატორთა ასოციაციის გრანტის ფარგლებში ჩატარდა, რომელსაც პროგრამა აფინანსებს. იგი მიზნად ისახავდა მედიაციის პროცესში სხვადასხვა პროცედურული ასპექტის შესახებ მედიატორთა ცოდნის გაღრმავებას.

ტრენინგის დროს განხილული საკითხები მოიცავდა მედიაციასთან დაკავშირებულ კანონმდებლობას, კერძოდ, მედიაციის შესახებ კანონსა და სამოქალაქო საპროცესო კოდექსს. ეს კანონები მოიცავს დებულებებს, რომლებიც მედიაციის პროცესის წარმართვის სახელმძღვანელო პრინციპებს წარმოადგენს.  

ტრენინგს უძღვებოდა ლაშა კალანდაძე, გამოცდილი მედიატორი და ადვოკატი. ტრენინგის პირველ ნაწილში მან მონაწილეებს აუხსნა, თუ რატომ მოხდა კანონმდებლობაში, განსაკუთრებით კი საქართველოს სამოქალაქო საპროცესო კოდექსში მედიაციის შესახებ კონკრეტული დებულებების გათვალისწინება, რაც ძირითადად სასამართლო მედიაციის წარმართვას არეგულირებს.

მონაწილეებმა ტრენერთან სხვადასხვა საკითხები განიხილეს, მათ შორის ის, თუ რა განსხვავებაა სასამართლო და კერძო მედიაციას შორის. ტრენერმა მონაწილეებს პრაქტიკული ასპექტები გაუზიარა. მათ ინფორმაცია მიიღეს იმ საკითხებზე, რომლებიც მედიაციის შესახებ კანონმდებლობით რეგულირდება. კერძოდ, პროცედურის კონფიდენციალობის დაცვის გარანტია, სამედიაციო შეთანხმებების აღსრულება, მედიაციის ვადების დაცვა, მხარეთა მოქნილობა მართონ პროცედურები, რაც განსხვავდება სასამართლოში არსებული პროცედურებისაგან.