საქართველოს მედიატორთა ასოციაციამ, USAID სამართლის უზენაესობის პროგრამის მხარდაჭერით, შეხვედრას უმასპინძლა ბათუმში, სადაც სამოქალაქო საზოგადოების ორგანიზაციების წარმომადგენლებთან, ჟურნალისტებთან, ადვოკატებთან და აკადემიური დაწესებულებების წარმომადგენლებთან მედიაციის სარგებლის შესახებ ისაუბრეს. 

ღონისძიების მიმდინარეობისას, ირაკლი ყანდაშვილმა, საქართველოს მედიატორთა ასოციაციის თავმჯდომარემ, მედიაციისა და მისი უპირატესობების შესახებ ისაუბრა. ღონისძიებას 23 მონაწილე დაესწრო, რომლებიც წარმოადგენდნენ საგანმანათლებლო დაწესებულებებს, მათ შორის, კავკასიის უნივერსიტეტსა და შოთა რუსთაველის სახელობის ბათუმის სახელმწიფო უნივერსიტეტს; სამოქალაქო საზოგადოების ორგანიზაციებს, მათ შორის: საერთაშორისო გამჭვირვალობა - საქართველოს ბათუმის ფილიალს, დემოკრატიის ინსტიტუტს, საქართველოს რეფორმების ასოციაციას (GRASS), სამოქალაქო საზოგადოების ინსტიტუტს, აღმოსავლეთ ევროპის ცენტრს მრავალპარტიული დემოკრატიისათვის (EECMD), დამოუკიდებელ ჟურნალისტთა სახლს, აჭარის საზოგადოებრივ მაუწყებელს, ფონდ „იალქანს“, და საქართველოს ადვოკატთა ასოციაციის წევრებს, რომლებიც ბათუმში მოღვაწეობენ.  

ირაკლი ყანდაშვილმა მედიაციის სხვადასხვა ასპექტზე ისაუბრა, რაც მოიცავდა დავის გადაწყვეტის ამ საშუალების მიმოხილვას, მის დადებით მხარეებს, დავების იმ ტიპებს, სადაც შესაძლებელია მედიაციის გამოყენება, ამ პროცესთან დაკავშირებულ ხარჯებს, მედიაციის ფუნდამენტურ პრინციპებსა და პროცედურებს და განსხვავებას სასამართლო და კერძო მედიაციას შორის. დამსწრეებმა ასევე მიიღეს ინფორმაცია იმის შესახებ, თუ როგორ ხდება მედიატორის დანიშვნა. შეხვედრის ბოლოს, რამდენიმე მონაწილემ მედიატორად გახდომის სურვილი გამოთქვა.