2024 წლის 22 თებერვალს, საქართველოს მედიატორთა ასოციაციის ორგანიზებით, შეხვედრა გაიმართა ქუთაისში, რომელსაც მასწავლებლები, ლექტორები, იურისტები, სოციალური მუშაკები, ფსიქოლოგები და არასამთავრობო ორგანიზაციების წარმომადგენლები ესწრებოდნენ.

შეხვედრის საშუალებით, რომელიც USAID სამართლის უზენაესობის პროგრამის მხარდაჭერით გაიმართა, ადგილობრივმა მოსახლეობამ მედიაციის უპირატესობების შესახებ შეიტყო. მის ორგანიზებაში საქართველოს მედიატორთა ასოციაციას დემოკრატიული ჩართულობის ცენტრების ქსელის (NCCE) ქუთაისის ოფისი დაეხმარა.   

შეხვედრას თამარ იმნაიშვილი, საქართველოს მედიატორთა ასოციაციის აღმასრულებელი დირექტორი და ირაკლი გელოვანი, პროგრამის ADR მრჩეველი უძღვებოდნენ. მათ ისაუბრეს მედიაციისა და მისი ძირითადი პრინციპების შესახებ, ახსნეს, თუ რა ტიპის საქმეები შეიძლება იყოს მედიაციისთვის შესაფერისი, რა ეტაპები აქვს მედიაციის პროცესს, რამდენ ხანს გრძელდება იგი, რა კრიტერიუმებით ხდება მედიატორის შერჩევა და რა განსხვავებაა სასამართლო და კერძო მედიაციას შორის.

შეხვედრის დროს თერთმეტმა მონაწილემ დასვა შეკითხვები და მიიღო პასუხები კონფლიქტის მოგვარებაში მედიაციის როლის შესახებ, როგორ არის შესაძლებელი დაეუფლო მედიატორის პროფესიას, მედიაციის სწავლების პოტენციურად ჩართვა ისეთ საგანმანათლებლო დაწესებულებებში, როგორებიცაა სკოლები და უნივერსიტეტები, ადვოკატთა ჩართვა მედიაციის პროცესში და საქმეთა ტიპები საქართველოში, სადაც აქტიურად მიმართავენ მედიაციას.   

შეხვედრის ბოლოს რამდენიმე მონაწილემ მედიატორობის სურვილი გამოხატა.