2024 წლის 12 აპრილს, გორის იურიდიული დახმარების სამსახურის (LAS) რვა ადვოკატი ამერიკელ მოსამართლეს მინესოტას შტატიდან - ტიმოთი ბალანდს შეხვდა, რომელიც USAID სამართლის უზენაესობის პროგრამის ფარგლებში მოსამართლეთა გაცვლითი მიმართულების აქტივობებში იღებს მონაწილეობას. შეხვედრის მთავარი მიზანი იყო მინესოტასა და საქართველოში იურიდიული დახმარებისა და სასამართლო სისტემის მოწყობის შესახებ აზრების გაცვლა.

შეხვედრის დროს დამსწრეები გაეცნენ მინესოტაში პანდემიის ფონზე განვითარებულ ინოვაციურ პროექტებს, მათ შორისაა პიონერული Legal Kiosk Project, რომელიც ითვალისწინებს საზოგადოების კეთილდღეობაზე ორიენტირებული იურიდიული ჯიხურების განთავსებას მინესოტას შტატის მასშტაბით. შტატში განთავსებული ჯიხურები დახმარებას უწევენ ტექნოლოგიური და სატრანსპორტო ბარიერების მქონე მოქალაქეებს. აღნიშნული პროექტი მოქალაქეებს საშუალებას აძლევდათ პანდემიის პირობებში იურიდიული დახმარების ექსპერტებთან და მათი საქმეების განმხილველ ადმინისტრაციულ ორგანოებთან და სასამართლოსთან ურთიერთობისას, დაეცვათ ჯანმრთელობის უსაფრთხოების ნორმები.

მოსამართლე ბალანდმა LAS-ის იურისტებს ასევე გაუზიარა ინფორმაცია შტატში მართლმსაჯულების ავტობუსების გაშვების შესახებ. იურიდიული დახმარების ეს მობილური ოფისები ნაკლებად დასახლებული პუნქტებისკენ მიემგზავრებიან, რა დროსაც იურისტებით დაკომპლექტებული მცირე ჯგუფები თავად ხვდებიან დასახლებაში მაცხოვრებლებს და ინფორმაციას აწვდიან სხვადასხვა, მათთვის საჭირო და საინტერესო სამართლებრივ საკითხებზე. ამით ისინი უზრუნველყოფენ კლიენტებს/მოსახლეობის დახმარებას სახლებიდან შორი მანძილის გაუსვლელად.

დისკუსიამ ბავშვთა მეურვეობის შესახებ დავებიც მოიცვა, მოსამართლე ბალანდმა კი მინესოტას ბავშვთა მეურვეობის წესდების გამოწვევებზე ისაუბრა. შეხვედრისას, საქართველოს კანონმდებლობის უკეთ გაცნობის მიზნითა და მინესოტას კანონმდებლობასთან ქართული პრაქტიკის შესადარებლად, მოსამართლე დაინტერესდა ისეთი საკითხებით, როგორიცაა მეურვეობის განსაზღვრისას უპირატესობის მინიჭების საკითხი და Guardian ad Litem-ის (მოსამართლის მიერ დანიშნული ადვოკატი კონკრეტულ სამართლებრივ დავაზე) როლი ბავშვების ინტერესების დაცვაში.

შეხვედრის დასასრულს რეფლექსიის სესიამ მოიცვა მოსამართლის პრაქტიკიდან ძალადობის მსხვერპლი და მშობლის ვალდებულებისგან/მზრუნველობისგან