თბილისის სააპელაციო სასამართლოს მოსამართლემ, შოთა გეწაძემ ჩაატარა ტრენინგი სამშენებლო სამართლის საკითხებში 56 მონაწილე ადვოკატისთვის, ადვოკატთა ასოციაციის წევრებისთვის აჭარის რეგიონიდან. ტრენინგი ორგანიზებული იყო USAID სამართლის უზენაესობის პროგრამის მიერ საქართველოს ადვოკატთა ასოციაციასთან თანამშრომლობით.

ტრენინგის ძირითადი მიზანი იყო მშენებლობასთან დაკავშირებული სამართლებრივი აქტების მიმოხილვა, რომლებიც არეგულირებს ქალაქგეგმარების, სივრცითი დაგეგმარების, ურბანული დაგეგმარების, არქიტექტურისა და სამშენებლო საქმიანობის ძირითად საკითხებს და პრინცვიპებს მთელი საქართველოს მასშტაბით. ტრენინგი მოიცავდა საქართველოს კანონმდებლობის სამშენებლო საქმიანობის შესახებ, აგრეთვე სივრცითი დაგეგმარების, არქიტექტურული და სამშენებლო საქმიანობის კოდექსის ძირეულ მიმოხილვას.

ტრენინგის დროს მოსამართლე გეწაძემ მიმოიხილა სხვადასხვა საკითხები, როგორიცაა საკუთრების უფლება და ჯანმრთელი გარემოს უფლება სამშენებლო საქმიანობის დროს. მან ასევე განმარტა სამშენებლო ნებართვის მიღების ვადები, პირობები და პროცედურები, ასევე სამშენებლო სამართალდარღვევა და მათთან დაკავშირებული შესაბამისი სანქციები.

გარდა ამისა, ტრენინგი მოიცავდა დისკუსიებს რაიონული და სააპელაციო სასამართლოების მიერ სამშენებლო დავების გადაწყვეტაზე, საქართველოს უზენაესი სასამართლოს მიერ დადგენილ სტანდარტებზე და ადამიანის უფლებათა ევროპული სასამართლოს მიერ მიღებულ გადაწყვეტილებებზე.

„ბევრი სამშენებლო დავა მაქვს ჩემს ყოველდღიურ პრაქტიკაში. დარღვევები ძირითადად ეხება გარემოსდაცვითი ზედამხედველობის დეპარტამენტის მიერ გაცემულ ჯარიმებს. ეს ტრენინგი იყო აზრების, ცოდნის, გამოცდილების მეგობრული გაზიარება, რომელსაც ჩვენ პრაქტიკაში გამოვიყენებთ მომავალში. არ გვინდა რომ ეს შეხვედრა დასრულდეს. შეუძლებელია ორ დრეში ყველა საკითხის განხილვა, მაგრამ ბატონი გეწაძე მაქსიმალურად გადმოგვცემს ინფორმაციას, გვაძლევს დისკუსიის და მსჯელობის საშუალებას, პასუხს სცემს ჩვენს შეკითხვებს. მადლიერნი ვართ USAID სამართლის უზენაესობის პროგრამის ამ შესაძლებლობისთვის." - ამბობს თინა იმნაძე, ადვოკატი ბათუმიდან.

ადვოკატების შესაძლებლობების გაძლიერება აჭარაში წარმოადგენს USAID სამართლის უზენაესობის პროგრამის ერთ-ერთ პრიორიტეტს ბათუმში სამართლის უზენაესობის ჰაბის გახსნის შემდეგ.