2023 წლის 9 დეკემბერს, გაიმართა USAID სამართლის უზენაესობის პროგრამის მხარდაჭერილი ბავშვთა უფლებების პრაქტიკის ჯგუფის შეხვედრა, სადაც შეიკრიბნენ სხვადასხვა სასამართლოს მოსამართლეები, რათა განეხილათ საქართველოში ბავშვთა და ბავშვთა უფლებების იურიდიული წარმომადგენლობის კრიტიკული ასპექტები.

შეხვედრა USAID საქართველოს დემოკრატიის, უფლებებისა და მმართველობის ოფისის დირექტორის მოადგილემ, ლიზა კოვაკმა გახსნა. მან ხააზგასმით აღნიშნა მოსამართლეების თანამშრომლობის მნიშვნელობა ბავშვთა უფლებების დაცვასთან დაკავშირებული გამოწვევების გადასაჭრელად.

ქ-ნი კოვაკის მისალმების შემდეგ, მოსამართლეებმა რიგრიგობით ისაუბრეს სასამართლოში ბავშვის იურიდიული წარმომადგენლობის მარეგულირებელ ეროვნულ  საკანონმდებლო ჩარჩოზე და სასამართლოს გამოწვევებზე ბავშვთა უფლებების დაცვის კუთხით. დისკუსია ასევე შეეხო ტრეფიკინგის მსხვერპლთა დახმარებისა და სახელმწიფო ზრუნვის სააგენტოს („სახელმწიფო ზრუნვის სააგენტო“) ფუნქციების გამიჯვნას მშობლებს შორის დავისას და ინტერესთა კონფლიქტის საკითხს, მშობლის მიერ ბავშვისათვის ადვოკატის აყვანისას, ასევე კერძო და იურიდიული დახმარების სამსახურის იურისტების ურთიერთობას.

შეხვედრის მეორე ნახევარი დაეთმო სამოქალაქო და ადმინისტრაციული სამართალწარმოების პროცესში ბავშვთა უფლებების შესახებ ბენჩბუქის თავების განხილვას. ორმა მოსამართლემ წარმოადგინა ბენჩბუქის თავების მონახაზი ბავშვის მოსმენის უფლებისა და მისი პრაქტიკული განხორციელების შესახებ სამოქალაქო სამართალწარმოების პროცესში.

მოსამართლეები შეთანხმდნენ, რომ აუცილებელია საქართველოს ადვოკატთა ასოციაციასთან, იურიდიული დახმარების სამსახურთან და სახელმწიფო ზრუნვის სააგენტოსთან ერთად მუშაობის გაგრძელება სასამართლოებში ბავშვების წარმომადგენლობის პრაქტიკული პრობლემების გადასაჭრელად.