სკოლის მასწავლებლებს უნდა ჰქონდეთ ცოდნა ადამიანის უფლებების შესახებ, განსაკუთრებით კი ბავშვთა უფლებებზე, რათა შექმნან ინკლუზიური და პატივისცემაზე დამყარებული სასწავლო გარემო, სადაც მოსწავლეთა უფლებები დაცულია, რაც ხელს უწყობს თითოეულ მათგანს გაიმყაროს ღირსებისა და თანასწორობის შეგრძნება.

სულხან-საბა ორბელიანის უნივერსიტეტმა, USAID სამართლის უზენაესობის პროგრამის მხარდაჭერით, დაიწყო ტრენინგების სერია თბილისსა და ზუგდიდში, სკოლის მასწავლებლებისთვის. სესიები 7-12 სექტემბერს ჩატარდა და მასში ოთხი საჯარო სკოლის, 47 პედაგოგი მონაწილეობდა, რათა გაეუმჯობესებინათ ცოდნა ადამიანის უფლებებისა და ბავშვთა უფლებების დაცვის შესახებ.

მასწავლებლებისთვის განკუთვნილ ტრენინგების სესიას უძღვებოდნენ ადამიანისა და ბავშვის უფლებების ექსპერტ/ტრენერები - დიმიტრი გეგენავა, ქეთევან ბახტაძე, თამთა თავართქილაძე და ცისია ოქროპირიძე. ძირითადი თემები იყო: ადამიანის უფლებები, შრომითი უფლებები, ანტიდისკრიმინაციული კანონები, ბავშვთა უფლებების დაცვა და პერსონალური მონაცემების დაცვა.

მასწავლებლებმა სესიები უაღრესად საინტერესო და პროდუქტიულად მიიჩნიეს. მათი აზრით, მიღებული ცოდნა ფასდაუდებელი იქნება პროფესიული როლის განხორციელების დროს. 

„ტრენინგებზე შეძენილი ცოდნა ღირებული იქნება არა მხოლოდ ჩემს პროფესიულ საქმიანობისთვის, არამედ იმიტომაც, რომ მჯერა, ყველა ადამიანს უნდა ჰქონდეს კანონებისა და უფლებების ფუნდამენტური გაგება“, აღნიშნა ტრენინგზე დამსწრე მასწავლებელმა, სტელა მარტიროსიანმა.

მასწავლებელთა ჩართულობის ხარისხის მაქსიმიზაციისთვის, ინტერაქტიული სესიების სახით ტრენინგზე შემოთავაზებული იყო მრავალი სხვადასხვა სავარჯიშო. დამსწრეებმა შესავალი ნაწილისა და მონაცემების დაცვის განხილვის დროს მონაწილეობა მიიღეს სავარჯიშოებში "ჭეშმარიტია/მცდარია", ჩაერთნენ ჯგუფურ სავარჯიშოებში, რომლებიც ფოკუსირებულია ბავშვთა უფლებებზე და განიხილეს დისკრიმინაციის ოთხი შემთხვევა, რამაც ფართო დისკუსიის საშუალება მისცა.

ტრენინგის მონაწილემ, მირანდა ჩუხუამ, აღნიშნა: „მიღებული ცოდნა საშუალებას მაძლევს უფრო თავდაჯერებულად დავიცვა საკუთარი თავი და სამართლიანად გამოვექომაგო სხვისი უფლებების დაცვას."