საქართველოს საკონსტიტუციო სასამართლომ საკონსტიტუციო სამართალწარმოების სწავლებაზე ფოკუსირებულ პირველი ფორუმს უმასპინძლა. ღონისძიების ორგანიზება შესაძლებელი გახდა USAID სამართლის უზენაესობის პროგრამისა და ევროპის საბჭოსა და ევროკავშირის ერთობლივი პროექტის „მართლმსაჯულების დამოუკიდებლობისა და პროფესიონალიზმის გაძლიერება საქართველოში“ მხარდაჭერით.

ფორუმის უპირველესი მიზანი იყო საკონსტიტუციო სასამართლოსა და საქართველოს საუნივერსიტეტო საზოგადოებას შორის დიალოგის დამყარება, რაც ხელს შეუწყობს სწავლების მეთოდოლოგიისა და ერთიანი პრაქტიკის შემუშავებას, რომელიც დაინერგება საქართველოს ყველა უნივერსიტეტის მიერ, რათა სტუდენტებს მიაწოდოს საკოონსტიტუციო სამართლის პრაქტიკის თეორიული და პრაქტიკული ცოდნა. ღონისძიებაში აკრედიტებული უმაღლესი სასწავლებლების 40-ზე მეტი წარმომადგენელი მონაწილეობდა.

ფორუმი გაიხსნა საქართველოს საკონსტიტუციო სასამართლოს თავმჯდომარის, მერაბ ტურავას, USAID სამართლის უზენაესობის პროგრამის ხელმძღვანელის, გიორგი ჩხეიძისა და საქართველოში ევროსაბჭოს ოფისის პროექტის უფროსი ოფიცრის, გიორგი გიორგაძის მისალმებით.

ფორუმის სესიებს საკონსტიტუციო სასამართლოს მოსამართლეები უძღვებოდნენ. მათ შორის იყვნენ მოსამართლეები გიორგი თევდორაშვილი, მანანა კობახიძე და გიორგი ტუღუში. პირველ სესიაზე უნივერსიტეტებს წარმომადგენლებმა ისაუბრეს ცალკეულ გამოწვევებზე, რომელიც მათ წინაშეა საკონსტიტუციო სამართლისა და პრაქტიკის სწავლების პროცესში. მომდევნო სესიის ფარგლებში საკონსტიტუციო სასამართლოს მოსამართლეებმაც გაიზიარეს თავიანთი ხედვა, თუ როგორი უნდა იყოს საკონსტიტუციო სამართალწარმოების სწავლება სამართლის სკოლებში. მათ გამოკვეთეს ზოგიერთი აუცილებელი უნარ-ჩვევები, რომლებიც სტუდენტებს უნდა ჰქონდეთ საკონსტიტუციო სამართალწარმოებაში აქტიურად ჩართვისათვის, როგორც ადვოკატის, ისე საკონსტიტუციო სასამართლოს იურისტის როლში.

პროგრამა იმედოვნებს, რომ ეს ფორუმი გახდება ყოველწლიური ღონისძიება, რომელსაც უმასპინძლებენ უნივერსიტეტები, რაც ხელს შეუწყობს კონსტიტუციური სამართალწარმოების სწავლების მუდმივ გაუმჯობესებას.