27 მაისს, გამოხატვის თავისუფლების პრაქტიკის ჯგუფმა შეხვედრა გამართა სოციალურ მედიაში დისკრიმინაციული და შეურაცხმყოფელი გამოხატვის თემაზე. ჯგუფის წევრებს, შესაძლებლობა ქონდათ მოესმინათ ნორთვესტერნის უნივერსიტეტის (ილინოისი, აშშ) პროფესორ, ჯეისონ დესანტოსთვის, რომელმა მიმოიხილა ამერიკის შეერთებულ შტატებში სიტყვის თავისუფლებასთან დაკავშირებული სასამართლო პრაქტიკა ცილისწამებასთან, შეურაცხყოფასთან და მის ონლაინ გავრცელებასთან დაკავშირებით.

პროფესორმა დესანტომ განმარტა, რომ კონსტიტუციის პირველი შესწორებით დაცული სიტყვის თავისუფლების ძირეული პრინციპები უკავშირდება „იდეათა ბაზრის“ ცნებას და სიტყვის თავისუფლების მნიშვნელობის აღიარებას დემოკრატიული საზოგადოებისთვის.

მან აღნიშნა, რომ სასამართლო პრაქტიკა რომელიც ვითარდებოდა ამერიკის შეერთებული შტატების უზენაესი სასამართლოს მიერ მე-20 საუკუნის დასაწყისიდან, ჯერაც ძალაშია და გამოიყენება ისეთი საკითხების გადასაწყვეტად, როგორიცაა სოციალურ მედიაში ინფორმაციის გავრცელება. პროფესორმა დესანტომ ისაუბრა ინტერნეტის რეგულირებასთან დაკავშირებულ საკითხებზე და იმ შინაარსობრივ შეზღუდვებზე, რაც შეიძლება დაუწესდეს ინტერნეტ-პლატფორმებს, ასევე შეადარა ინტერნეტი ინფორმაციის გავრცელების უფრო ტრადიციულ მედიუმებს, როგორიცაა ბეჭდვითი პრესა, მაუწყებლობა და ტელეკომუნიკაციები.

კითხვა იმის შესახებ, „Facebook“ და „Twitter“ უნდა ჩაითვალოს თუ არა საჯარო ფორუმად (საჯარო სივრცედ) განსაკუთრებით საინტერესო აღმოჩნდა პრაქტიკის ჯგუფის წევრებისთვის და გამოიწვია დისკუსია იმ სტანდარტებისა და წესების შესახებ, რომლებიც განსაზღვრავენ რა არის საჯარო სივრცე, და თუ შეიძლება საჯარო მოხელეების პირადი ანგარიშები  ჩაითვალოს ასეთად, განსაკუთრებით ამერიკის შეერთებული შტატების უახლესი გადაწყვეტილების გათვალისწინებით საქმეში ლინდკე ფრიდის წინააღმდეგ (ნო. 22-66).

პრაქტიკის ჯგუფის წევრმა მოსამართლეებმა მიმოიხილეს ქართული სასამართლოების პრაქტიკა მსგავს საკითხებზე, რითაც კიდევ ერთხელ გაესვა ხაზი იმას ქართველ მოსამართლეებს უკვე უწევთ ახალ რეალობასთან გამკლავება, რაც უკავშირდება ტექნოლოგიურ პროგრესს და სოციალური მედიის გავლენას ყოველდღიურ ცხოვრებაზე..