USAID სამართლის უზენაესობის პროგრამის მხარდაჭერით ჩატარდა სამუშაო შეხვედრა საკონსტიტუციო სასამართლოსთვის. შეხვედრამ სასამართლოს მოსამართლეებსა და აპარატის თანამშრომლებს საშუალება მისცა განეხილათ ისეთი მნიშვნელოვანი საკითხები, როგორიცაა  საქმეთა განხილვის განრიგის შედგენა და სხვა პრაქტიკული გამოწვევები.

„ბრეინშტორმინგის“ სესიები ისე წარიმართა, რომ მოძებნილიყო გადაწყვეტები მეტი ეფექტიანობის მისაღწევად. შეხვედრაზე ასევე განიხილეს USAID სამართლის უზენაესობის პროგრამის ექსპერტის რადოსლავ პროჩაჟკას 2022 წლის რეკომენდაციები

განხილვა შეეხო ისეთ მნიშვნელოვან საკითხებს, როგორიცაა სარჩელების არსებითად განსახილველად მიღებასთან დაკავშირებული პრაქტიკის გადასინჯვა, ძალადაკარგული ნორმების კონსტიტუციურობის შეფასების სტანდარტები, სამართალწარმოების ეფექტიანობის ხელშემშლელ ფაქტორებზე რეაგირება და პრაქტიკული გადაწყვეტების მოძებნა.

სამუშაო შეხვედრამ ასევე ხაზი გაუსვა საკონსტიტუციო სასამართლოს მხრიდან ეფექტური კომუნიკაციის მნიშვნელობას და იმ მიდგომებს, რისი გამოყენებაც სასამართლოს შეუძლია გარე დამკვირვებლებისთვის ლაკონურად და ცხადად ინფორმაციის მისაწოდებლად.

საკონსტიტუციო სასამართლოს რვა მოსამართლე, მათ შორის თავმჯდომარე მერაბ ტურავა მონაწილეობდა სამუშაო შეხვედრაში მოსამართლეთა თანაშემწეებთან, სამართლებრივი დეპარტამენტის გუნდთან და საკონსტიტუციო სასამართლოს სხვა დეპარტამენტების წარმომადგენლებთან ერთად.

სამუშაო შეხვედრა წარმოადგენდა პლატფორმას ცოდნისა და გამოცდილების გაზიარებისთვის, მთავარ მოქმედ პირებს შორის თანამშრომლობის ხელშეწყობისა და საკონსტიტუციო სასამართლოს სისტემაში სხვადასხვა პრაქტიკის გასაუმჯობესებლად საფუძვლის მომზადებისთვის.