2024 წლის 30 მარტს, საქართველოს ადვოკატთა ასოციაციისა და იურიდიული დახმარების სამსახურის ოცდაოთხმა იურისტმა, ასევე ახალციხის, ასპინძისა და ახალქალაქის ადვოკატებმა, ახალციხის რაიონული სასამართლოს თანამშრომლებთან ერთად, მონაწილეობა მიიღეს USAID სამართლის უზენაესობის პროგრამის მიერ ორგანიზებულ შრომის სამართლის ტრენინგზე.

შეხვედრაზე თბილისის სააპელაციო სასამართლოს სამოქალაქო საქმეთა პალატის მოსამართლე ქეთევან მესხიშვილმა, საქართველოში შრომისა და დასაქმების სხვადასხვა საკითხები განიხილა. შეეხო ისეთ თემებს, როგორიცაა დასაქმებულთა და დამსაქმებელთა უფლებები, შრომითი ხელშეკრულების შეწყვეტის საფუძვლები, შრომითი უფლებები და პერსონალური მონაცემების კონფიდენციალურობა. ტრენინგის დასკვნით ნაწილში განხილულ იქნა შრომითი დავების შესახებ სასამართლო პრაქტიკა, მონაწილეებს საშუალება ჰქონდათ გაემართათ დისკუსია და დაესვათ კითხვები ექსპერტისთვის.

მათი განსაკუთრებული დაინტერესება სამსახურიდან უკანონოდ გათავისუფლებული პირის იგივე ან ეკვივალენტურ თანამდებობაზე აღდგენამ და კომპენსაციის მიღებამ დაიმსახურა. შეხვედრა სამართლის უზენაესობის პროგრამის ჰაბის ორგანიზებით გაიმართა, რომელიც სამცხე-ჯავახეთში ადგილობრივი იურისტების ცოდნისა და უნარების გაღრმავების მიზნით გასატარებელი ტრენინგების სერიიდან პირველია.