29-30 ივლისს, USAID სამართლის უზენაესობის პროგრამამ გამართა ბავშვთა უფლებების პრაქტიკის ჯგუფის შეხვედრა, სადაც 18-მა მოსამართლემ მიიღონ მონაწილეობა.  შეხვედრის მთავარი თემა იყო ბავშვებთან დაკავშირებული საქმეების საჯაროდ განხილვა და შესაბამისი გადაწყვეტილებებისა და საქმის მასალების განსაჯაროება, ასევე სასამართლოში ბავშვის გამოკითხვის მეთოდები. საკითხებზე მსჯელობა გაიმართა ადამიანის უფლებათა ევროპული სასამართლოს პრაქტიკისა და აშშ-ს სასამართლოების მიდგომების გათვალისწინებით.

შეხვედრაზე რამდენიმე სესია, რომელიც ეძღვნებოდა ადამიანის უფლებათა ევროპული სასამართლოს სტანდარტებს საქმის ღიად და საჯაროდ განხილვის უფლებასთან დაკავშირებით ჩაატარა ადამიანის უფლებათა ადგილობრივმა ექსპერტმა, ლევან მაისურაძემ. საქართველოს უზენაესი სასამართლოს მოსამართლემ, ნინო ბაქაქურმა და რუსთავის საქალაქო სასამართლოს მოსამართლემ, ნატა თედეშვილმა აგრეთვე გაუზიარეს მონაწილეებს საკუთარი გამოცდილებაზე დაფუძნებული მოსაზრებები გადაწყვეტილებების საჯაროობასთან და ბავშვის ინტერესების დასაცავად დაშვებულ გამონაკლისებთან დაკავშირებით.

USAID სამართლის უზენაესობის პროგრამის ფარგლებში მოწვეულმა ამერიკელმა მოსამართლემ და ბავშვის უფლებათა ექსპერტმა, პეგი ვოქერმა ისაუბრა საკუთარ გამოცდილებაზე და უპასუხა  კითხვებს აშშ-ს სამართლის  საფუძველზე. მან ღირებული ინფორმაცია მიაწოდა შეხვედრის მონაწილეებს იმის თაობაზე, თუ როგორ უნდა იმოქმედონ მოსამართლეებმა, სოციალურმა მუშაკებმა და სხვა პროფესიონალებმა კოორდინირებულად და იდენტური სტანდარტებითა და მიდგომებით, რათა დაიცვან საქმეში ჩართული ბავშვების ინტერესები.

შეხვედრის ბოლოს, მოსამართლე ლევან დარბაიძემ (გორის რაიონული სასამართლო) გაუზიარა კოლეგებს ლაიდენში (ნიდერლანდებში) სასწავლო ვიზიტიდან მიღებული გამოცდილება, სადაც USAID სამართლის უზენაესობის პროგრამის მხარდაჭერით იმყოფებოდა. ლაიდენში მოსამართლე დარბაიძე მოსამართლეებისა და სხვა პროფესიონალებისთვის განკუთვნილ საზაფხულო სკოლას დაესწრო, რომელიც ეძღვნებოდა ბავშვების უფლებებს და ბავშვებთან დაკავშირებული საქმეების განხილვის სხვადასხვა ასპექტის სიღრმისეულ ანალიზს. ლევან დარბაიძე აგრეთვე გაეცნო ნიდერლანდების სასამართლოების ორგანიზაციული მოწყობისა და პროცესების წარმეობის წესებსა და მიდგომებს.

შეხვედრამ  ქართველ მოსამართლეებს საშუალება მისცა ადგილობრივ და და ამერიკელ ექსპერტთან ერთად ემსჯელათ საუკეთესო პრაქტიკაზე და გაეზიარებიათ ერთმანეთისთვის ცოდნა. ამ ტიპის განხილვები მნიშვნელოვნად უწყობს ხელს მართლმსაჯულების ხარისხის გაუმჯობესებას და ბავშვების უფლებების დაცვას სასამართლო პროცესებზე.