25-26 მაისს, USAID სამართლის უზენაესობის პროგრამამ (პროგრამა) ნორსვესტერნის უნივერსიტეტის პრიცკერის სამართლის სკოლის პროფესორის, ჯეისონ დესანტოს მონაწილეობით, საქართველოს ადვოკატთა ასოციაციის (GBA) 7 წევრისთვის ჩაატარა ტრენერების ტრენინგი (ToT) ეფექტური დარწმუნების, პრეზენტაციისა და საზოგადოებასთან ურთიერთობის უნარებში.

ორდღიანი ტრენინგი GBA-ში გამოცდილი ტრენერებით დაკომპლექტებული გუნდის შექმნის გზაზე გადადგმული ერთ-ერთი აუცილებელი ნაბიჯი იყო, რომელიც GBA-ს ადვოკატებს კრიტიკული კომუნიკაციის უნარებს გაუუმჯობესებს.

პროგრამის ეს კონკრეტული ინიციატივა უფრო ფართო სტრატეგიის ნაწილია, რათა გააძლიეროს ადვოკატთა პროფესიული ქცევა საჯარო კომუნიკაციაში, დაეხმაროს მათ კოლეგიალურობის წესების სათანადოდ აღსრულებაში, სასამართლოსადმი სათანადო პატივისცემის ჩამოყალიბებასა და სამართალწარმოებაში ჩართულ მხარეებთან და მედიასთან ეფექტურ კომუნიკაციაში, ასევე,  შორის სოციალური მედიის პლატფორმების სწორად გამოყენებაში.

პროფესორმა დესანტომ თავდაპირველად GBA-ს წარმომადგენლებთან ონლაინ შეხვედრები გამართა, რათა ტრენინგის შინაარსი საქართველოს კონტექსტის გათვალისწინებთ შესაბამის საჭიროებებზე მოერგო, ხოლო შემდეგ ტრენერთა ტრენინგი ჩაატარა GBA-ს 7 ტრენერ-ადვოკატთათვის.

ჯერ კიდევ საქართველოში ყოფნისას, 28 მაისს, პროფესორმა დესანტომ GBA-ს სათაო ოფისში 40 ადვოკატს ჩაუტარა „მასტერკლასი“ თემაზე ეფექტურ და ეთიკურ საზოგადოებრივ კომუნიკაციაზე. მასტერკლასი ასევე ფოკუსირებული იყო ეთიკური სტანდარტების გააძლიერებაზე საჯარო კომუნიკაციისას და დამსრეებს გააცნო პრაქტიკული მიდგომები, თუ როგორ უნდა დაიცვან ეს სტანდარტები.