2023 წლის 25-28 აპრილს, USAID სამართლის უზენაესობის პროგრამამ უმასპინძლა ნიუ-იორკში მართლმსაჯულების ინოვაციების ცენტრის (CJI) სამ საერთაშორისო ექსპერტს: დანიელ პუ-მარკს, სასამართლოს განათლებისა და ლიდერობის მიმართულების დირექტორს; მონიკა კრისტოფერსონს, ეროვნული ტექნიკური დახმარების გუნდის სასამართლოს თერაპიული პროგრამების დირექტორს; სრუთი ნარაჰარისეტის, უფროს მკვლევარს; და მინესოტას უზენაესი სასამართლოს საპატიო მოსამართლეს ენ მაკქიგს, რომლებიც დააკვირდნენ საქართველოს საკონსტიტუციო სასამართლოს, ბათუმის საქალაქო სასამართლოს და ხაშურის რაიონული სასამართლოს საქმიანობას.

ვიზიტის მიზანი იყო გამოცდილების და საუკეთესო პრაქტიკის გაცვლის გზით სასამართლო ადმინისტრირების პრაქტიკისა და სასამართლოს მომხმარებლებთან და ადგილობრივ საზოგადოებასთან ჩართულობის გაუმჯობესება.

CJI არის ერთ-ერთი უმსხვილესი და ყველაზე წარმატებული საზოგადოებაზე ორიენტირებულ მართლმსაჯულებაზე მომუშავე ორგანიზაცია შეერთებულ შტატებში, რომელიც ახორციელებს პროგრამების ფართო სპექტრს, რათა დაეხმაროს საზოგადოებრივი მართლმსაჯულების ცენტრების შექმნას და მასპინძლობს მრავალ ეროვნულ და საერთაშორისო ვიზიტორს, მათი სასამართლო პროგრამებისთვის.

ბათუმის საქალაქო სასამართლოში, 26 აპრილს, USAID სამართლის უზენაესობის პროგრამამ, რომელსაც წარმოადგენდნენ საზოგადოებრივი ჩართულობის მრჩეველი თიმ ბუნიევაცი, საზოგადოებრივი ჩართულობის კოორდინატორი მარიამ გობრონიძე და სამართლის უზენაესობის რეგიონალური ჰაბის იურისტი ირინა ხახუტაიშვილი, და CJI-ს თანამშრომლებს სასამართლოს მენეჯერი ინგა ფუტკარაძე მიესალმა, რომელმაც სტუმრებს დაათვალიერებინა სასამართლო და სასამართლო ოპერაციების სხვადასხვა ასპექტთან დაკავშირებით მათ შეკითხვებს უპასუხა. მათ ასევე, სასამართლოს თავმჯდომარე ჯუმბერ ბეჟანიძეც შეხვდა.

26 აპრილს, ამერიკელ სტუმრებს საპატიო დახვედრა მოუწყვეს საქართველოს საკონსტიტუციო სასამართლოშიც, სადაც ისინი საკონსტიტუციო სასამართლოს თავმჯდომარე მერაბ ტურავას და საერთაშორისო ურთიერთობების საკითხებში მთავარ მრჩეველთან, ეკატერინე მჟავანაძეს შეხვდნენ. მრგვალი მაგიდის ფორმატში მხარეებმა დეტალური მოსაზრებები გაცვალეს ისეთ საკითხებზე, როგორიცაა სასამართლოს ადმინისტრაციული მართვა, საერთაშორისო კონსტიტუციური სამართლის იურისპრუდენცია, საქმის განხილვა და საკონსტიტუციო სასამართლოსა და მისი კოლეგიების ფუნქციონირება.

28 აპრილს, ხაშურის რაიონულ სასამართლოში ვიზიტი გაიმართა, სადაც სტუმრებს სასამართლოს მენეჯერმა, გოჩა მელიქიძემ საკმაოდ ინფორმაციული ტური მოუწყო, რომლის ფარგლებშიც სასამართლოს მანდატურებს, სასამართლოს რეესტრისა და კანცელარიის ხელმძღვანელებს გაესაუბრნენ. შეხვედრა დაახლოებით ერთ საათს გაგრძელდა და ტურის შემდეგ სტუმრებს სასამართლოს თავმჯდომარე, მევლუდ ხათაშვილიც მიესალმა.

მონაწილეებმა ვიზიტები შეაფასეს, როგორც ძალიან ინფორმაციული და სასარგებლო ყოველდღიური საქმიანობისთვის და გამოთქვეს სურვილი, სამომავლოდ მონაწილეობა მიიღონ მსგავს აქტივობებში. USAID სამართლის უზენაესობის პროგრამა გააგრძელებს მართლმსაჯულების სისტემის მხარდაჭერას, საქართველოში სასამართლო ადმინისტრირების გაუმჯობესებითა და სასამართლოს დამოუკიდებლობის დაცვით გახადოს სასამართლო ოპერაციები უფრო ეფექტური და ადამიანზე ორიენტირებული.