2023 წლის 8 დეკემბერს, USAID სამართლის უზენაესობის პროგრამამ, ადამიანის უფლებათა კვირეულის ფარგლებში, ჩაატარა ლექცია საზოგადოებაზე ორიენტირებული მართლმსაჯულებისა (PCJ) და სასამართლოსა და საზოგადოებას შორის ჩართულობის შესახებ, რომელსაც ესწრებოდა 40 სტუდენტი და აკადემიური პერსონალი, როგორც საქართველოს ეროვნული უნივერსიტეტის (სეუ) იურიდიული, ასევე სხვა ფაკულტეტებიდან.

ანა ფირცხალაშვილმა, სეუ-ს პრორექტორმა სამეცნიერო კვლევების მიმართულებით, მადლობა გადაუხადა ამერიკის შეერთებული შტატების საერთაშორისო განვითარების სააგენტოს (USAID), USAID სამართლის უზენაესობის პროგრამას და ამერიკელ ხალხს საქართველოსადმი მხარდაჭერისთვის და გამოთქვა სურვილი, პროგრამისა და უნივერსიტეტის თანამშრომლობით მეტი ერთობლივი აქტივობა დაიგეგმოს.

დოქტორმა თიმ ბუნიევაცმა, USAID სამართლის უზენაესობის პროგრამის საზოგადოებრივი ჩართულობის მრჩეველმა, ლექცია წაიკითხა და სტუდენტებთან აქტიურ დისკუსიაში ჩაერთო. მან მოიყვანა სასამართლოსა და საზოგადოებას შორის ჩართულობის საერთაშორისო პრაქტიკის მაგალითები და გააცნო მათ PCJ-ის პრინციპები. მან მონაწილეებს წარუდგინა სასამართლოსთან საზოგადოების ურთიერთჩართულობის წარმატებული მაგალითები, რაც იწვევს საზოგადოების უფრო დიდ ნდობას სასამართლო სისტემის მიმართ.

დოქტორმა ბუნიევაცმა უფრო დეტალურად განმარტა PCJ-ის კონცეფცია, მონაწილეებს გააცნო შესაბამისი თეორიები და დიზაინის მიდგომები და განიხილა მართლმსაჯულების სისტემის ადგილობრივ თემთან ჩართულობის გაძლიერების სტრატეგიები. მან მიმოიხილა განსხვავება ტრადიციულ და პრობლემის გადაჭრაზე ორიენტირებულ სასამართლოებს შორის, სასამართლოებში ადამიანზე ორიენტირებული დიზაინის ხუთი ქვაკუთხედი, სასამართლოსა და საზოგადოებას შორის ჩართულობის სასამართლო შენობებს მიღმა გაფართოების პოტენციური გზები  და სასამართლოსა და საზოგადოების ჩართულობის მხარდასაჭერად სხვადასხვა გარე დაინტერესებული მხარეების ჩართვის შესაძლებლობები.