USAID სამართლის უზენაესობის პროგრამამ გამართა ლექცია საზოგადოებაზე ორიენტირებული მართლმსაჯულებისა (PCJ) და სასამართლო-საზოგადოების ჩართულობის შესახებ, რომელსაც შოთა რუსთაველის სახელმწიფო უნივერსიტეტის ორმოცი სტუდენტი და აკადემიური პერსონალი ესწრებოდა.

სესიას უძღვებოდა დოქტორი თიმ ბუნიევაცი, USAID სამართლის უზენაესობის პროგრამის მრჩეველი საზოგადოებრივი ჩართულობის საკითხებში. მან წარმოადგინა სასამართლო-საზოგადოების ჩართულობის პრაქტიკა მთელი მსოფლიოდან და მონაწილეებს გააცნო PCJ-ის ძირითადი ცნებები და თეორია. მონაწილეებმა მიიღეს ცოდნა სასამართლოს საზოგადოებასთან ჩატარებული ღონისძიებების წარმატებული მაგალითების შესახებ, რომლებიც სასამართლოების მიმართ საზოგადოების ნდობის გაზრდის მიზანს ემსახურება.

დოქტორმა ბუნიევაცმა სიღრმისეულად ისაუბრა PCJ-ის კონცეფციაზე, მათ შორის შესაბამისი თეორიისა და დიზაინის მიდგომების შესახებ, და განიხილა სტრატეგიები სასამართლოების სხვადასხვა თემთან/საზოგადოებრივ ჯგუფებთან ჩართულობის გაზრდის მიზნით.

სესია მოიცავდა ისეთი საკითხების შესწავლას, როგორიცაა ტრადიციულ და პრობლემის გადამჭრელ სასამართლოებს შორის განსხვავებები, სასამართლოებში ადამიანზე ორიენტირებული დიზაინის ხუთი ქვაკუთხედი, სასამართლო-საზოგადოების ჩართულობის გაფართოების შესაძლო სფეროები სასამართლოს გარეთ, სასამართლო-საზოგადოების გამოკითხვის მაგალითები, სასამართლო-საზოგადოების მრჩეველთა საბჭოების როლი და ფუნქციები და სასამართლო-საზოგადოების ჩართულობის მხარდასაჭერად გარე დაინტერესებული მხარეების ჩართვის შესაძლებლობები.

მონაწილეებმა დიდი ინტერესი გამოხატეს სამომავლოდ სამართლის უზენაესობის პროგრამის მიერ ორგანიზებულ მსგავს საჯარო ლექციებზე დასწრების შესახებ.