30 აპრილს, USAID სამართლის უზენაესობის პროგრამამ (პროგრამა), სამცხე-ჯავახეთის სახელმწიფო უნივერსიტეტთან და საქართველოს საკონსტიტუციო სასამართლოსთან თანამშრომლობით გამართა საჯარო ლექცია, საკონსტიტუციო სასამართლოს თავმჯდომარის მოადგილის მანანა კობახიძის მონაწილეობით.

ლექციას სამცხე-ჯავახეთის სახელმწიფო უნივერსიტეტის იურიდიული ფაკულტეტის სამართლამცოდნეობისა და საჯარო მმართველობის პროგრამების 30-ზე მეტი სტუდენტი დაესწრო. სტუდენტებსა და დამსწრე საზოგადოებას შესავალი სიტყვით მიმართეს: რექტორის მოადგილე ნიკო ახალკაცმა და იურიდიული ფაკულტეტის დეკანმა დავით ხობელიამ. ახალკაცმა ხაზი გაუსვა სტუდენტების დარგის წამყვან ექსპერტებთან შეხვედრის მნიშვნელობას და ასეთი ურთიერთქმედების საჭიროებას მათი პროფესიული განვითარებისთვის.

გიორგი ჩხეიძემ, USAID სამართლის უზენაესობის პროგრამის ხელმძღვანელმა, სტუდენტებს წარუდგინა პროგრამის ძირითადი ინიციატივები და ის შესაძლებლობები, რიმელიც აძლევს მომავალ თაობას იურიდიული ცოდნისა და პრაქტიკული უნარების გაუმჯობესების საშუალებას.

მოსამართლე კობახიძემ  განიხილა  საქართველოს კონსტიტუციის ისტორია მრავალმხრივ კონტექტსტში, სადაც ხაზი გაუსვა საკონსტიტუციო სასამართლოში მოსამართლეთა მეშვეობით განხორციელებულ ზედამხედველობის გადამწყვეტ როლს. მან ყურადღება გაამახვილა სასამართლოს მთავარ პასუხისმგებლობაზე ფუნდამენტური კონსტიტუციური უფლებების დაცვაში და დეტალურად იმსჯელა იმ ჩაჩოების გაფართოებაზე, რომელიც საჭიროა სამართლის უზენაესობისთვის.

გარდა ამისა, სტუდენტები აქტიურად ჩაერთნენ კითხვების დასმის ნაწილში და მიიღეს დამატებითი ინფორმაცია საკონსტიტუციო სასამართლოს დატვირთვისა და გადაწყვეტილების მიღების პროცესების შესახებ.

ეს გახლდათ ახალციხის სამართლის უზენაესობის ჰაბის მიერ სამცხე-ჯავახეთის სახელმწიფო უნივერსიტეტის სტუდენტებისთვის ორგანიზებული რიგით მესამე საჯარო ლექცია. სამართლის უზენაესობის ახალციხის ჰაბი 2023 წლის დეკემბერში დაარსდა.