ადგილობრივმა საზოგადოება მაღალი ინტერესი გამოიჩინა საბანკო სასესხო ვალდებულებების სამართლებრივი საკითხების მიმართ, განსაკუთრებით მიკროსაფინანსო ორგანიზაციებთან დავების გამო, რაც ხშირად სასამართლო პროცესებამდეც კი მიდის. აჭარის და იმერეთის რეგიონის მაღალმთიან რაიონებში სათემო შეხვედრების დროს მოქალაქეები სტუდენტ-პარალეგალებს სასესხო საკითხებთან დაკავშირებით ხშირად მიმართავენ დახმარებისთვისა და რჩევებისთვის.

ამგვარად, 5 და 12 აპრილს, იმერეთისა და აჭარის რეგიონებიდან ორმოცდაათმა სტუდენტმა-პარალლეგმა მონაწილეობა მიიღო სასესხო ხელშეკრულებების შესახებ გამართულ ტრენინგზე, რომელიც სამართლებრივ ასპექტებზე იყო ფოკუსირებული.

აღნიშნული ინიციატივა არის უფრო ფართო პროექტის:,,გავხადოთ მართლმსაჯულება ყველასთვის ხელმისაწვდომი: პარალეგალების ინიციატივა”-ს ნაწილი, რომელსაც მხარს უჭერს იურიდიული დახმარების სამსახური (LAS) და USAID სამართლის უზენაესობის პროგრამა.

შეხვედრა წარმართა მაია ბაქრაძემ, თბილისის სააპელაციო სასამართლოს ყოფილმა მოსამართლემ, რომელმაც მონაწილეებს მიაწოდა ინფორმაცია სესხის ხელშეკრულებების კონცეფციაზე და მათ სხვადასხვა ფორმებზე, ასევე კრედიტორის ვალდებულებებსა და სესხის პროცენტებზე. გარდა ამისა, მან ისაუბრა სასესხო ხელშეკრულებებისა და ტრანზაქციების ბათილობის შედეგად გამოწვეული მოთხოვნების დაკმაყოფილებაზე.

ტენინგისას გაიმართა დისკუსიები, რომელიც მოიცავდა როგორც სასამართლო დავებს ასევე  სანოტარო სერვისების, სააღსრულებო ბიუროების, კერძო მედიაციისა და არბიტრაჟის მეშვეობით სასამართლოს ჩარევის გარეშე სარჩელის დაკმაყოფილების  მეთოდებს. ტრენინგზე ასევე განიხილა ნასყიდობის კონკრეტული სახეობა - ,,გამოსყიდვის უფლებით დადებული ნასყიდობის ხელშეკრულება“ იმ მნიშვნელოვანი რისკების გამო, რომელსაც უქმნის მსესხებლებს.

სტუდენტ-პარალლეგების სპეციალიზებული ცოდნითა და უნარ-ჩვევებით აღჭურვის ინიციატივა, არა მხოლოდ თემებში უწყობს ხელს  სამართლებრივი ცოდნას, არამედ  განამტკიცებს მართლმსაჯულების ხელმისაწვდომობას ყველასთვის.