USAID სამართლის უზენაესობის პროგრამა მხარს უჭერს სახალხო დამცველის აპარატს შეზღუდული შესაძლებლობების მქონე პირთა უფლებების დაცვის დეპარტამენტის გაძლიერებაში.

2022 წლის 21-22 დეკემბერს და 2023 წლის 30-31 იანვარს, პროგრამამ ჩაატარა ტრენინგი სახალხო დამცველის აპარატის თბილისისა და რეგიონული ოფისების ორმოცდაექვსი თანამშრომლისთვის, ფსიქოსოციალური საჭიროების მქონე ადამიანებთან კომუნიკაციის სტანდარტების, უნარებისა და მიდგომების შესახებ.

ტრენინგს უძღვებოდა ექსპერტი-ფსიქოლოგი მაია ცირამუა და ესწრებოდნენ სახალხო დამცველის აპარატის სტრუქტურული ერთეულების წარმომადგენლები, რომლებსაც ყველაზე ხშირი კომუნიკაცია აქვთ მოქალაქეებთან. ეს სტრუქტურული ერთეულებია - მოქალაქეთა მისაღები, რეგიონული სამმართველოები და სხვადასხვა თემატური განყოფილება.

სესიები მოიცავდა თემებს, როგორიცაა დისკრიმინაციული ქცევის ანატომია, ძალადობაგანცდილი ადამიანის ფსიქოლოგიური მახასიათებლები,  სტოკჰოლმის სინდრომი,   უმცირესობების სტრესის ფენომენი,  ფსიქიკური ჯანმრთელობის შესახებ საზოგადოებაში ფესვგამდგარ მითები და სტერეოტიპები, ბრაზისა და აგრესიული ქცევის მართვა. 

მაია ცირამუამ მიმოიხილა ეფექტიანი კომუნიკაციის ასპექტები, აქტიური მოსმენის და ვერბალური დეესკალაციის ტექნიკა. ტრენინგი ასევე მოიცავდა მოკლე ლექციებს, როლურ სავარჯიშოებს და მონაწილეთა აქტიური ჩართულობით რამდენიმე პრაქტიკული საქმის განხილვას.

ტრენინგის დროს განხილული საქმეების ანალიზის საფუძველზე, ექსპერტმა, მოამზადა რეკომენდაციები აპარატის თანამშრომლების პროფესიულ სტრესთან ეფექტურად გამკლავების შესახებ.