ტრენინგი უნივერსიტეტის ლექტორებისთვის
USAID სამართლის უზენაესობის პროგრამის საგანმანათლებლო გრანტის ფარგლებში, 2024 წლის 12-17 თებერვალს გრიგოლ რობაქიძის სახელობის უნივერსიტეტმა ზუგდიდში, შოთა მესხიას სახელობის სახელმწიფო სასწავლო უნივერსიტეტში ჩაატარა ტრენინგი ხუთი რეგიონული უნივერსიტეტის წარმომადგენლისთვის.
ტრენინგის მიზანი იყო რეგიონულ უნივერსიტეტებში იურიდიული ინგლისურის სწავლების ხარისხის გაუმჯობესება შესაბამისი სილაბუსების განახლებით და სწავლების მეთოდოლოგიების გაუმჯობესებით.
ლექტორებს ტრენინგი იურიდიული ენის ცენტრის ხელმძღვანელმა, TEFL-ის მასწავლებელმა ხატია თანდილაშვილმა ჩაუტარა. ტრენინგზე განიხილეს ინგლისური ენის ლექსიკა ისეთი თემებისთვის, როგორიცაა ბიზნეს სამართალი, სამეწარმეო სამართალი, კომერციული სამართალი, საბანკო სამართალი, შრომის სამართალი, ინტელექტუალური საკუთრების სამართალი, სამართალწარმოება და დავების ალტერნატიული გადაწყვეტა. ტრენინგს ესწრებოდნენ ლექტორები გრიგოლ რობაქიძის უნივერსიტეტის ბათუმის ფილიალიდან, ზუგდიდის შოთა მესხიას სახელობის სახელმწიფო სასწავლო უნივერსიტეტიდან, ბათუმის შოთა რუსთაველის სახელმწიფო უნივერსიტეტიდან, სამცხე-ჯავახეთის სახელმწიფო უნივერსიტეტიდან, იაკობ გოგებაშვილის სახელობის თელავის სახელმწიფო უნივერსიტეტიდან და ქუთაისის აკაკი წერეთლის სახელმწიფო უნივერსიტეტიდან.
გრიგოლ რობაქიძის სახელობის უნივერსიტეტის ბათუმის ფილიალის ერთ-ერთმა ლექტორმა, ინდირა მაჭუტაძემ, თავის გამოცდილებაზე მსჯელობისას განაცხადა: „იურიდიული ინგლისური ენის სასწავლო კურსმა ძირეული ცოდნა მომცა იურიდიულ საკითხებსა და ეფექტური სწავლების ტექნიკის შესახებ. ტრენინგის შედეგად მაქვს მზადყოფნა ჩავატარო ეფექტური გაკვეთილები, რომლებიც დაკომპლექტებული იქნება ინტერაქტიული აქტივობებით და საინტერესო თამაშებით, რის შედეგადაც სამართლებრივი ინგლისური ენის გამოყენებისას უფრო მეტად თავდაჯერებული და კორექტული ვიქნები."
ნუგზარ თევდორაძემ, ლექტორმა სამცხე-ჯავახეთის სახელმწიფო უნივერსიტეტიდან, მადლიერება გამოთქვა ტრენინგის დროს შექმნილი თბილი და ყურადღებიანი გარემოსთვის. მან ხაზი გაუსვა სწავლების სტრუქტურისა და მეთოდოლოგიის ეფექტურობას. თევდორაძემ ასევე განსაკუთრებით ღირებულად მიიჩნია ხელოვნური ინტელექტის ინტეგრაცია და ტრენერის მიერ ავთენტური მასალების გაოყენება და სილაბუსების შექმნა.
