უფლებები საქართველომ, USAID სამართლის უზენაესობის პროგრამის მხარდაჭერით, ქალთა უფლებებზე სამი საინფორმაციო შეხვედრა გამართა (49 მონაწილე) საქართველოს სხვადასხვა რეგიონში. შეხვედრები გაიმართა 2024 წლის 1 მარტს, სხვადასხვა სკოლის უფროსკლასელებთან ჭიათურაში, 6 მარტს, სოფელ ნიკორწმინდის საჯარო სკოლის მოსწავლეებსა და პედაგოგებთან, და 21 მარტს, თელავის სახელმწიფო უნივერსიტეტის სტუდენტებსა და უნივერსიტეტის პედაგოგებთან.

შეხვედრებზე უფლებები საქართველოს იურისტებმა ისაუბრეს ქალთა უფლებებზე, გენდერული თანასწორობის მნიშვნელობაზე, ოჯახში ძალადობასა და გენდერულ ძალადობაზე, ქალთა თანაბარ უფლებაზე მემკვიდრეობაზე და ძალადობის მსხვერპლთა დაცვისა და მხარდაჭერის მექანიზმებზე. საუბარი ასევე შეეხო სექსუალურ შევიწროებასა და ადრეული ქორწინებით გამოწვეულ უარყოფით შედეგებს.

მონაწილეებმა ხაზი გაუსვეს ქალთა მიმართ ძალადობის პრევენციის მნიშვნელობას, ძალადობის დროს პოლიციისთვის მიმართვისა და კვალიფიციური სამართლებრივი დახმარების გაწევის მნიშვნელობას. მომხსენებლები ასევე შეეხნენ ფემიციდის გამომწვევ მიზეზებს, გენდერულ სტერეოტიპებს, ძალადობის მსხვერპლ არასრულწლოვანთა დაცვას და მათთვის ფსიქო-ემოციური მხარდაჭერის საჭიროებას.

შეხვედრები ქალთა ისტორიის თვისადმი მიძღვნილი გლობალური კამპანიის ფარგლებში გაიმართა.