USAID სამართლის უზენაესობის პროგრამის ქალთა ისტორიის თვის კამპანიის ფარგლებში აჭარაში 150-ზე მეტმა მოსწავლემ, მათმა მშობლებმა და მასწავლებელმა შეიტყვეს ქალთა უფლებების და უფასო იურიდიული დახმარების სერვისების შესახებ, რომლებიც ხელმისაწვდომია მათი უფლებების დასაცავად.

2023 წლის 16-17 მარტს, სამართლის უზენაესობის პროგრამის მხარდაჭერით, იურიდიული დახმარების სამსახურის ახლად არჩეულმა დირექტორმა დავით სიმონიამ და სამართლის უზენაესობის პროგრამის მხარდაჭერით გადამზადებულმა სტუდენტ-პარალეგალებმა შეხვედრები გამართეს აჭარის ექვს საჯარო სკოლაში. შეხვედრები ქაქუთის, ალამბარის, ქობულეთის, ხელვაჩაურის და ბათუმის სკოლებში გაიმართა.

მობილური ვიზიტები მიეძღვნა ქალთა ისტორიის თვეს, მაგრამ მოდერატორებმა ასევე ისაუბრეს მემკვიდრეობის უფლების, შრომითი უფლებების, ბავშვის უფლებების, ბავშვის საუკეთესო ინტერესების და ბულინგის შესახებ.

მომხსენებლებმა განიხილეს მამრობითი სქესის შვილების ოჯახის უპირატესი მემკვიდრის უფლებასთან არსებული სტერეოტიპები, კულტურულ გამოწვევები, რომლებიც ხელს უშლის ქალებს მემკვიდრეობის მიღებასა და  საკუთრების ფლობაში, ქალებისა და ახალგაზრდა გოგონების მიმართ გამოყენებული ძალადობის ფორმები და ქალთა დასაქმების ძირითადი დაბრკოლებები.

წამყვანებმა ხაზგასმით აღნიშნეს, რომ საქართველოში მამაკაცისა და ქალის უფლებები დაცულია კანონმდებლობით და რომ ქალი და მამაკაცი კანონების მიხედვით თანასწორნი არიან შრომით და მემკვიდრეობით ურთიერთობებში. მათ ასევე აღნიშნეს, რომ ამ უფლებების რეალურად ცხოვრებაში განხორციელება სერიოზული გამოწვევაა და რომ არსებითი თანასწორობის მიღწევა მხოლოდ თანასწორობის ზედაპირული მიდგომის დაძლევითაა შესაძლებელი. მონაწილეებმა ბევრი კითხვა დასვეს და მნიშვნელოვანი საკითხები განიხილეს.