ქართველი მოსამართლეები შეხვდნენ ბორჯომში, ბენჩბუქებზე საკუთარი ნაშრომების და სამომავლო ნაბიჯების განხილვისთვის. ამ დროისთვის იწერება სამი ბენჩბუქი გამოხატვის თავისუფლებასთან, ქალთა ქონებრივ უფლებებთან და სამოქალაქო და ადმინისტრაციულ პროცესში ბავშვთა უფლებებთან დაკავშირებით.

ბენჩბუქები ძალიან საჭირო სახელმძღვანელოებია, რომლებიც მოსამართლეებს სწრაფად სთავაზობს მათთვის საჭირო სამართლებრივ ინფორმაციას სხვადასხვა საკითხზე.

ამ შეხვედრაზე მონაწილეებს შესაძლებლობა ქონდათ წარმოედგინათ მათი მიმდინარე ნაშრომები, მიეღოთ უკუკავშირი საკუთარი კოლეგებისგან და ამერიკელი მოსამართლე თიმოთი ბალანდისგან (მინესოტა), რომელიც USAID სამართლის უზენაესობის პროგრამის ფარგლებში ვიზიტით იმყოფება საქართველოში.

შეხვედრა დაიწყო მოსამართლე ბალანდის პრეზენტაციით, რაც ეყრდნობოდა ბენჩბუქებთან მუშაობის მის ფართო გამოცდილებას. მან ხაზი გაუსვა, თუ რამდენად მნიშვნელოვანია, რომ ეს სახელმძღვანელოები იყოს ადვილად გამოსაყენებელი და საშუალება მისცეს მკითხველს სწრაფად იპოვონ გამოსაყენებელი კანონები, ასევე დეტალური ინსტრუქცია მისცენ მათ პროცედურასთან და ყველა მნიშვნელოვან საკითხთან დაკავშირებით.

მონაწილე მოსამართლეები შეთანხმდენ სამუშაო პროცესის მომდევნო ნაბიჯებზე და ერთმანეთს გაუზიარეს თავიანთი ენთუზიაზმი ბენჩბუქებთან დაკავშირებით. ეს სახელმძღვანელოები ქართველო მოსამართლეებს შესთავაზებენ სწრაფ და მარტივ წვდომას სათანადო სამართლებრი წყაროებზე გამოხაატვის თავისუფლების, ქალთა უფლებების და ბავშვთა საპროცესო უფლებების სფეროში.

ბენჩბუქების პროექტზე მუშაობა მიმდინაოებს 2023 წლის სექტემბრიდან, როდესაც სამივე ინსტანციის სასამართლოებიდან 19 მოსამართლე გაერთიანდა ამ საქმისთვის. ეს მოსამართლეები, რომლებიც იმავდროულად პროგრამის ხელშეწყობით შექმნილი სამართლის უზენაესობის პრაქტიკის ჯგუფის წევრები არიან სამ უმნიშვნელოვანეს თემაზე მუშაობენ გამოხატვის თავისუფლების, ქალთა და ბავშვთა უფლებების სფეროში. ამ პროცესში მათ მხარს უჭერდა პროგრამის მიერ დაქირავებული სამართლებრივი მკვლევარი, რომელსაც ევალდებოდა რელევანტური საერთაშორისო ან უცხოური სტანდარტებისა და საუკეთესო პრაქტიკის მოძიება.

გასული თვეების განმავლობაში მოსამართლეები არაერთხელ შეხვდნენ, რომ განეხილათ მიმდინარე სამუშაო პროცესი და შეთანხმებულიყვნენ სტილისა და ფორმატირების საკითხებზე.