6 და 13 აპრილს, USAID სამართლის  უზენაესობის პროგრამამ, ქუთაისის და ბათუმის სამართლის უზენაესობის ჰაბების მეშვეობით  52 ადვოკატი გადაამზადა  იმერეთისა და აჭარის რეგიონიდან, რომლებიც საქართველოს ადვოკატთა ასოციაციას  და  იურიდიული დახმარების სამსახურს წარმოადგენენ. ტრენინგის თემა იყო  სასესხო ხელშეკრულებების სამართლებრივი რეგულირება: მატერიალური და პროცესუალური  ასპექტები.

ტრენინგს უძღვებოდნენ თბილისის სააპელაციო სასამართლოს ყოფილი მოსამართლე, მაია ბაქრაძე და ექსპერტი, თამარ კუსიკაშვილი, რომელსაც გააჩნია ფინანსურ ინსტიტუტებთან მუშაობის მრავალწლიანი გამოცდილება და ევროკავშირის ფინანსური რეგულაციების ექსპერტული ცოდნა.

ტრენინგი მოიცავდა ადვოკატებთან დისკუსიებს სასესხო ხელშეკრულებებთან და საბანკო ვალდებულებებთან დაკავშირებით, დეტალური ინფორმაციის მიწოდებას ეროვნული ბანკის რეგულაციებთან დაკავშირებით.

კერძოდ, მაია ბაქრაძემ ისაუბრა სესხის უზრუნველყოფის საშუალებებზე,  უზრუნველყოფასთან დაკავშირებულ საკანონმდებლო აკრძალვებზე და  წარმოადგინა ბათილი სასესხო ხელშეკრულებების და მასთან დაკავშირებული მოთხოვნების ამომწურავი ანალიზი.

იმავდროულად, თამარ კუსიკაშვილმა ყურადღება გაამახვილა საბანკო ვალდებულებებზე, განსაკუთრებით ხაზი გაუსვა ეროვნული ბანკის საზედამხედველო უფლება-მოვალეობებს  ფინანსურ სექტორში. ტრენინგი  მოიცავდა დისკუსიებს საკანონმდებლო და კანონქვემდებარე რეგულაციების, მომხმარებელთა დაცვის ეთიკური სტანდარტების, პასუხისმგებელი სესხების პრაქტიკის და სესხის გაცემისა და დაფარვის მარეგულირებელ საკანონმდებლო ბაზაზე.

გარდა ამისა, ტრენინგზე  განხილული იყო უძრავი ნივთებზე უფლების  კონცეფცია, როგორც მოთხოვნის უზრუნველყოფის საშუალება საქართველოს სამოქალაქო კოდექსში ასახული თავისებურებების გათვალისწინებით. ტრენინგის მნიშვნელოვანი ნაწილი დაეთმო სესხების საპროცენტო განაკვეთების თავისებურებებს, რომლებიც ისტორიულად რეგულირდებოდა ხელშეკრულების მხარეების მიერ, თუმცა ბოლოდროინდელმა სამართლებრივმა განვითარებამ ხაზი გაუსვა სასამართლოს კონტროლს საპროცენტო განაკვეთების გონივრულობაზე. ეს მოიცავს იმის  გათვალისწინებას  ეროვნულ თუ უცხოურ  ვალუტაში გაიცემა  სესხი.

USAID სამართლის უზენაესობის პროგრამა გააგრძელებს საქართველოს ადვოკატთა ასოციაციის  და იურიდიული დახმარების სამსახურის  ადვოკატებისთვის ტრენინგების სერიას. მომავალი ტრენინგი, რომელიც მაისშია დაგეგმილი, ფოკუსირებული იქნება მიწის რეგისტრაციასთან დაკავშირებულ საკითხებზე.