USAID სამართლის უზენაესობის პროგრამა, გაეროს ქალთა ორგანიზაცია და საქართველოში ევროპის საბჭოს ოფისი სექსუალური შევიწროების პრევენციის მექანიზმების შესახებ კონფერენციას გამართავენ.

ღონისძიება გენდერული ძალადობის წინააღმდეგ 16-დღიანი  გლობალური კამპანიის ფარგლებში იმართება და მისი მიზანი საკანონმდებლო და აღმასრულებელი ხელისუფლების, სამოქალაქო საზოგადოებისა და საგანმანათლებლო წრეების, საერთაშორისო ორგანიზაციებისა და მედიის წარმომადგენლების, ადამიანის უფლებათა და გენდერული თანასწორობის დამცველების თემის ირგვლივ ერთიან დისკუსიაში ჩართვაა.

დამსწრეებს მისასალმებელი სიტყვით მიმართავენ: საქართველოში გაეროს ქალთა ორგანიზაციის წარმომადგენლის მოადგილე თამარ საბედაშვილი, საქართველოში ევროპის საბჭოს ოფისის ხელმძღვანელი ნატალია ვუტოვა, USAID/საქართველოს დემოკრატიის, უფლებებისა და მმართველობის ოფისის დირექტორის მოვალეობის შემსრულებელი ლიზა კოვაკი,  საქართველოს პარლამენტის წევრი რატი იონათამიშვილი, მთავრობის ადმინისტრაციის ადამიანის უფლებათა დაცვის სამსახურის უფროსი მაკა ფერაძე და საქართველოს სახალხო დამცველი ლევან იოსელიანი. 

დღე და ადგილი: თბილისი, 10:00-14:00, რედისონ ბლუ ივერია (I რესპუბლიკის მოედანი).