2024 წლის 1-3 მაისს, ცამეტმა  ფეხბურთელმა ქალმა მიიღო მონაწილეობა ინტეგრირებული უსაფრთხოების სამდღიან ტრენინგში. მონაწილეები წარმოდგენილი იყვნენ თბილისიდან და ქუთაისიდან.

USAID სამართლის უზენაესობის პროგრამის მიერ მხარდაჭერილი ტრენინგი მიზნად ისახავდა მონაწილეების ცოდნით აღჭურვას სექსუალური შევიწროებისა და ძალადობის შემთხვევების პრევენციის შესახებ. ტრენინგი ჩატარდა უსაფთხო და მეგობრულ გარემოში, რამაც ხელი შეუწყო მონაწილეების დისკუსიებსა და სავარჯიშოებში აქტიურ ჩართულობას. ტრენინგი მოიცავდა გენდერულ თანასწორობაზე და პიროვნულ ზრდაზე ორიენტირებულ სავარჯიშოებს.

ტრენერებმა, სოფო ბასილაძემ და ნინო ხარჩილავამ, სხვადასხვა ინტერაქციური მეთოდების საშუალებით გააცნეს მონაწილეებს ინტეგრირეგული უსაფრთხოების ტრენინგის კონცეფცია. გამოყენებული იყო ისეთი მიდგომები, როგორიცაა ძალაუფლების შესახებ დისკუსიები ფემინისტური პერსპექტივიდან და ანალიტიკური სავარჯიშოები, რომლებიც ფოკუსირებული იყო ძალაუფლების დინამიკაზე. მონაწილეებმა ისაუბრეს ქალთა უფლებებისა და შევიწროების შესახებ, საკუთარ გამოცდილებაზე და განიხილეს სამომავლო მიმართულებები.

ტრენინგი ასევე მოიცავდა ბიოენერგეტიკულ და საკუთარ თავზე ზრუნვის პრაქტიკულ სავარჯიშოებს.  მონაწილეები აქტიურად უზიარებდნენ ერთმანეთს იდეებს, პირად გამოცდილებას და ინდივიდუალური და ერთობლივი გაძლიერების სტრატეგიებს.