ქუთაისისა და ბათუმის წარმატებულ გამოცდილებაზე დაყრდნობით USAID სამართლის უზენაესობის პროგრამამ 2024 წლის 30 ივლისს ახალციხეში პირველი საჯარო საუბრები გამართა.

ღონისძიებაში მონაწილეობა მიიღეს მწერალმა და ჟურნალისტმა დავით გორგილაძემ, რომელიც საზოგადოებისთვის ცნობილი გახდა თავისი YouTube შოუ ,,გორგილაძის აუტანელი სიმსუბუქ“-ით და ადვოკატმა ზვიად კორძაძემ.

საუბარი ორიენტირებული იყო სიტყვის თავისუფლების სასიცოცხლო როლსა და საკუთარი აზრის გამოხატვის თავისუფლებაზე. გორგილაძემ ხაზი გაუსვა სოციალური პროგრესისთვის  თხრობის გადამწყვეტ როლს და დამსწრეებს დაანახა თვითგამოხატვის შეზღუდვით გამოწვეული, პროგრესისთვის შესაძლო ხელის შეშლის საფრთხე. მან ხაზი გაუსვა გამოხატვის თავისუფლების დაცვის აუცილებლობას, განსაკუთრებით საზოგადოებაში არსებული აზრთა სხვადასხვაობის დროს.

კორძაძემ გორგილაძის მოსაზრებებს მხარი დაუჭირა და განაცხადა, რომ სიტყვის თავისუფლება აუცილებელია საზოგადოების წარმატებისთვის. მან ასევე აღნიშნა, რომ სიტყვის თავისუფლებას აქვს შეზღუდვები, იგი არ უნდა ლახავდეს სხვების რეპუტაციასა და უფლებებს. ზვიადმა საერთო პრობლემების გადაჭრასა და დეზინფორმაციასთან ბრძოლაში ერთიანობის მნიშვნელობაზეც ისაუბრა და საზოგადოებას მიღებული ინფორმაციის გადამოწმებისკენ მოუწოდა. კორძაძემ ხაზი გაუსვა სიტყვის თავისუფლების დაცვასა და სხვებისთვის ზიანის მიყენების პრევენციის შორის ბალანსის აუცილებლობას.

ღონისძიებამ 45-ზე მეტი მონაწილე მოიზიდა, მათ შორის სამართლის სტუდენტები, ბიზნესმენები, ფსიქოლოგები, სამოქალაქო საზოგადოების წარმომადგენლები, იურისტები და ადგილობრივი მედიის წარმომადგენლები. ეს იყო პლატფორმა - იდეებისა და შეხედულებების გაცვლისთვის, სადაც ღია დისკუსიის გზით მოხდა საერთო პრობლემების გადაჭრის გზების ძიება. მონაწილეები ასევე განიხილავდნენ იმ როლებს, რომელთა შესრულებაც სხვადასხვა საზოგადოებრივ ჯგუფებს შეუძლიათ მნიშვნელოვანი ცვლილებების ხელშეწყობისთვის.