29 მარტს, USAID სამართლის უზენაესობის პროგრამის მხარდაჭერილი გრანტის ფარგლებში, საქართველოს ადვოკატთა ასოციაციამ (GBA) მოაწყო ტრენინგი თანამშრომლებისთვის, თვისობრივი და რაოდენობრივი კვლევის მეთოდოლოგიების შესახებ.

ტრენინგს საქართველოს ადვოკატთა ასოციაციის ტრენინგ ცენტრის, ადმინისტრაციული და ანალიტიკური დეპარტამენტების 14 წევრი ესწრებოდა. განხილული საკითხები მოიცავდა:  რაოდენობრივი და თვისებრივი კვლევის დიზაინსა და მეთოდოლოგიას, დისკრეტულ მონაცემთა შერჩევას, კვლევისას ეთიკური ფაქტორის გათვალისწინებას და სხვა.

საქართველოს ადვოკატთა ასოციაციის ეთიკის კომისიის უფროსმა ადვოკატმა, თამარ ხუბულურმა, აღნიშნა - „ტრენინგზე განხილული მეთოდოლოგია ნამდვილად დამეხმარება ჩემს საქმიანობაში კვლევის მეთოდების განსასაზღვრად, დასაგეგმად და განსახორციელებლად”, ხოლო საქართველოს ადვოკატთა ასოციაციის უფროსმა ანალიტიკოსმა, ეკა მამალაძემ, დასძინა - “ტრენინგში მონაწილეობამ მომცა ის საჭირო უნარ-ჩვევები, რაც დამეხმარება კვლევითი პროექტების უკეთ  დაგეგმვასა და ეფექტიანად წარმართვაში. იქნება ეს შესაბამისი კვლევის მეთოდის არჩევა, კვლევის გეგმის გაწერა, თუ სამიზნე ჯგუფების განსაზღვრა - აღნიშნულმა ტრენინგმა მომცა იმ მნიშვნელოვანი საკითხების ცოდნა, რაც აუცილებელია თვისებრივი კვლევის ჩასატარებლად.”

ყველა მონაწილემ აღნიშნა, რომ ტრენინგმა მათ ის ცოდნა და პრაქტიკული გამოცდილება მისცა, რაც კვლევის პროცესის უფრო ეფექტურად წარმართვაში დაეხმარებათ. მათ შორის აღჭურვა ისეთი უნარებით, რომლებიც საქართველოს ადვოკატთა ასოციაციის წევრებს USAID სამართლის უზენაესობის პროგრამის საგრანტო აქტივობების განსახორციელებლად, საჭიროებების კვლევის ჩატარებისას ან კმაყოფილების კითხვარის შედგენისას, დაეხმარებათ კვლევის დიზაინის შემუშავებაში, მეთოდოლოგიის არჩევაში და ანალიზის ფორმის განსაზღვრაში.