2024 წლის აპრილიდან ივნისის ჩათვლით, სულხან-საბა ორბელიანის უნივერსიტეტმა USAID სამართლის უზენაესობის პროგრამის მხარდაჭერით ჩაატარა ტრენინგები ზუგდიდისა და თბილისის საჯარო სკოლების მასწავლებლებისთვის. ამ სესიებმა, სახელწოდებით „ადამიანის უფლებები და სწავლების თანამედროვე მეთოდები“, გააუმჯობესა მასწავლებლების ცოდნა ადამიანის უფლებების შესახებ და ისინი სწავლების ინოვაციური სტრატეგიებით აღჭურვა.

ტრენინგებში ზუგდიდის ორი სკოლიდან 27 მასწავლებელი იღებდა მონაწილეობას. ტრენინგები მხარს უჭერს მასწავლებლების საგნის სწავლებისას ისეთი საკითხების ჩართვას, როგორიცაა ადამიანის უფლებები, გენდერული თანასწორობა და კულტურული მრავალფეროვნება. მონაწილეები აღფრთოვანებულები იყვნენ ტრენინგის აქტუალურობითა და ხარისხით.

"როგორც სხვა დროს, ამჯერადაც ძალიან პროფესიონალი გუნდი გყავთ. თქვენ ყოველთვის ატარებთ ტრენინგს ჩვენთვის აქტუალურ და მნიშვნელოვან საკითხებზე, რაც ძალიან მნიშვნელოვანია და ხელს უწყობს ჩვენს განვითარებას", აღნიშნა ერთ-ერთმა მასწავლებელმა.

კიდევ ერთმა მონაწილემ ხაზი გაუსვა პრაქტიკულ სარგებელს და აღნიშნა: „კლასის მართვის უნარები აუცილებელია ჩემი ყოველდღიური პრაქტიკისთვის და მიღებულ ცოდნას პრაქტიკაში გამოვიყენებ“.