USAID სამართლის უზენაესობის პროგრამის მხარდაჭერით, ორგანიზაციამ პრევენცია პროგრესისთვის (PFP) და სამოქალაქო ჩართულობისა და აქტივიზმის ცენტრმა (CEAC) ბოლნისისა და მარნეულის მუნიციპალიტეტებში, ადგილობრივი მოსახლეობის მონაწილეობით რვა შეხვედრა გამართეს. აღნიშნულ შეხვედრებზე მოქალაქეებმა მიიღეს ინფორმაცია მათი უფლებების დაცვისა და სასამართლოს ხელმისაწვდომობასთან დაკავშირებული საკითხების შესახებ.  

შეხვედრები რვა თვის მანძილზე, 2023 წლის ივნისიდან 2024 წლის იანვრამდე პერიოდში გაიმართა ბოლნისისა და მარნეულის რეგიონულ ცენტრებში და სოფლებში, როგორიცაა აღმამედლო, სადახლო, დარბაზი, სავანეთი, მუშევანი და კასუმლო.

დისკუსიებმა ადგილობრვი საზოგადოების ინტერესი გამოიწვია და მასში მონაწილეობა  სულ 133-მა ადამიანმა მიიღო. მონაწილეებმა განიხილეს ისეთ თემები, როგორიცაა ადამიანის უფლებები, სასამართლოში წარსადგენი დოკუმენტები, უფასო იურიდიული დახმარების ხელმისაწვდომობა და ის გამოწვევები, რომლებსაც მოქალაქეები მართლმსაჯულების ინსტიტუტებთან ურთიერთობისას აწყდებიან.

შეხვედრებზე დასახელებულ გამოწვევებს შორის იყო თარჯიმნების კომპეტენცია, ხელმისაწვდომი იურიდიული დახმარების საჭიროება და სამართლებრივი პროცედურების შესახებ არასაკმარისი ინფორმაციის ქონა. მონაწილეების ცნობიერების მიზნით, შეხვედრის ორგანიზატორებმა მოქალაქეებს გაუზიარეს ორენოვანი გზამკვლევი, რომელიც მოიცავდა ინფორმაციას სასამართლო პროცესთან დაკავშირებული ძირითადი ასპექტების შესახებ.

ინფორმაციის ფართო აუდიტორიისთვის გაცნობის მიზნით, შეხვედრები რადიო მარნეულმა და Interpress.ge-მ გააშუქეს.