USAID სამართლის უზენაესობის პროგრამა  ხელს უწყობს ცნობიერების ამაღლების ინიციატივებს, რომელიც უზრუნველყოფს მართლმსაჯულების ინსტიტუტების წარმომადგენლებისა და მოქალაქეების ჩართულობას.

2023 წლის 17 ნოემბერს,  პრევენცია პროგრესისათვის (PFP) და სამოქალაქო ჩართულობისა და აქტივიზმის ცენტრის ორგანიზებით ბოლნისის ადგილობრივი მაცხოვრებლები თეთრიწყაროს რაიონული სასამართლოს მოსამართლე  ბადრი ნიპარიშვილს შეხვდნენ. შეხვედრა სამართლის უზენაესობის პროგრამის მიერ მხარდაჭერილი პროექტის „სასამართლოს შესახებ ცნობიერების ამაღლება მარნეულისა და ბოლნისის მუნიციპალიტეტებში” გაიმართა. პროექტი მიზნად ისახავს მარნეულისა და ბოლნისის მუნიციპალიტეტებში მცხოვრები ეთნიკურ უმცირესობების წარმომადგენლების ინფორმირებას მართლმსაჯულების ხელმისაწვდომობისა და სამართლიანი სასამართლოს მნიშვნელობის შესახებ. 

მოსამართლე ბადრი ნიპარიშვილმა ისაუბრა სასამართლოს როლზე მოქალაქეთა უფლებების დაცვასა და ქვეყნის ევროკავშირში ინტეგრაციის პროცესში. შეხვედრას ცამეტი მონაწილე დაესწრო. მათ მიიღეს პასუხები რეგიონებში სასამართლო სხდომებთან დაკავშირებულ კითხვებზე, მათ შორის სასამართლო სხდომების ვადებისა და მიწის რეგისტრაციის საკითხებზე.

შეხვედრის მონაწილეებმა ხაზი გაუსვეს მსგავსი ღონისძიებების გამართვის აუცილებლობას. ეს იყო მეორე ღონისძიება, რომელიც მოქმედი მოსამართლის მონაწილეობით ჩატარდა. შეხვედრამ მოქალაქეებს შესაძლებლობა მისცა უშუალოდ მოსამართლისგან მიეღოთ ინფორმაცია სასამართლოსთან დაკავშირებულ საკითხებზე.