2 ოქტომბერს, ახალციხის ზრდასრულთა განათლების ცენტრმა („ცენტრი“) ახალი პროექტის „მართლმსაჯულება თქვენს სამსახურში“ პრეზენტაცია გამართა. პროექტი USAID სამართლის უზენაესობის პროგრამის მხარდაჭერით ხორციელდება და 2025 წლის 31 მარტამდე გაგრელდება.

ინიციატივა ახალციხისა და ადიგენის მუნიციპალიტეტების მცხოვრებთა მართლმსაჯულებაზე ხელმისაწვდომობის გაზრდას ისახავს მიზნად. დაგეგმილია საინფორმაციო შეხვედრები მართლმსაჯულების სისტემის შესახებ.

სამართლებრივი კონცეფციების უკეთ გაცნობის მიზნით, პროექტის ფარგლებში, მომზადდება და გავრცელდება საგანმანათლებლო მასალები, როგორიცაა სტატიები და ქვიზები, ასევე ინფორმაცია მნიშვნელოვანი სასამართლო საქმეების შესახებ ადგილობრივი და საერთაშორისო პრაქტიკიდან. ამასთან, ცენტრი დაბეჭდავს და გაავრცელებს სანიშნეებს და იურიდიული ტერმინების ლექსიკონს.

იურიდიული პროფესიის მიმართ ინტერესის გასაზრდელად, შეიქმნება “სამართლის კლუბი” ახალგაზრდებისთვის. კლუბი უმასპინძლებს ყოველთვიურ სესიებს დარგის სპეციალისტების მონაწილეობით, მოეწყობა შეხვედრები იურიდიული დახმარების სამსახურის წარმომადგენლებთან და გაიმართება იმიტირებული სასამართლო პროცესი, რომელიც ახალგაზრდა მონაწილეებს საშუალებას მისცემს მართლმსაჯულების სისტემის პრაქტიკულ ასპექტებს გაეცნონ.  გარდა ამისა, ახალგაზრდები შეხვდებიან დარგის ექსპერტებს და მიირებენ ინფორმაციას სასამართლოს მუშაობის შესახებ. 

პრეზენტაციაზე ცენტრის დირექტორმა თამარ კაპანაძემ ისაუბრა, თუ როგორ შეუწყობს ხელს აღნიშნული ინიციატივა იურიდიული მომსახურების შესახებ საზოგადოების ცნობიერების ამაღლებას და ახალგაზრდების ჩართულობის გაზრდას. პროგრამის ხელმძღვანელმა გიორგი ჩხეიძემ შეხვედრის 30-ზე მეტ მონაწილეს მიაწოდა ინფორმაცია პროგრამის მიზნებს შესახებ. ასევე, ისაუბრა ახალციხის ჰაბის აქტივობებზე, რომელიც სამცხე-ჯავახეთის რეგიონში მართლმსაჯულების რეფორმის ინიციატივების მხარდაჭერას ისახავს მიზნად.

ახალციხის ზრდასრულთა განათლების ცენტრის პროექტი ხელს შეუწყობს საზოგადოების ინფორმირებას და ჩართულობის გაზრდას ისეთი აქტივობების საშუალებით, როგორიცაა საგანმანათლებლო რესურსების მომზადება, კომუნიკაცია დარგის სპეციალისტებთან და  მოქალაქეთა ჩართულობის წახალისება.