2024 წლის 8, 29 და 30 ნოემბერს, USAID სამართლის უზენაესობის პროგრამამ, სამართლის უზენაესობის აჭარის, იმერეთისა და სამცხე-ჯავახეთის რეგიონული ჰაბების მეშვეობით, ამავე რეგიონების იურისტებისთვის ტრენინგების სერია მოაწყო, რომელშიც სამი სხვადასხვა ლოკაციიდან ჩამში 80 მონაწილე ჩაერთო. მონაწილეებს შორის იყვნენ საქართველოს ადვოკატთა ასოციაციის (GBA) და საქართველოს იურიდიული დახმარების სამსახურის (LAS) წარმომადგენლები.

მოწვეული ექსპერტის ლევან სანებლიძის მიერ ჩატარებულ ტრენინგზე ყურადღება გამახვილდა შენობებისა და მიწის ნაკვეთების უფლებების რეგისტრაციის სამართლებრივ სირთულეებზე. ძირითად თემებად კი წამოიჭრა მიწის რეგისტრაციის ისეთი საკითხები, როგორიცაა უძრავი ქონების დაყოფა და კონსოლიდაცია, მიწის დანიშნულების განსაზღვრა და მათი რეგისტრაცია, ასევე შენობებზე უფლებების რეგისტრაციის პროცედურები. ტრენინგზე განიხილა სამშენებლო სამუშაოები და მასთან დაკავშირებული სარეგისტრაციო პროცესები. აღნიშნულ საკითხებთან მიმართებით განსაკუთრებული ყურადღება დაეთმო: სამშენებლო უფლებების რეგისტრაციისთვის საჭირო დოკუმენტებს; დავების გადაწყვეტის პროცედურებს; მიწის ნაკვეთების ერთ სისტემაში ინტეგრირებას; საკუთრების უფლების გაფართოებას, მათ შორის ფართობის მითითების კორექტირებას; საკუთრების უფლების წარმოქნას და უძრავ ქონებაზე რეგისტრაციას; იპოთეკური უფლებების რეგისტრაციას შენობებსა და მიწის ნაკვეთებზე; ასევე დაკავების განსაზღვრის წესებსა და მოვალეთა რეესტრს.

ტრენინგი ასევე მოიცავდა ადგილობრივი და ადამიანის უფლებათა ევროპული სასამართლოს (ECHR) პრაქტიკების შედარებით ანალიზს. ამ კონტექსტში წარმოდგენილი იყო საკუთრების უფლების საკითხებზე ECHR-ის ძირითადი გადაწყვეტილებების მიმოხილვა, აქცენტი გაკეთდა ექსპროპრიაციასა და საკუთრების უფლების ჩამორთმევაზე. დასკვნითი სხდომა დაეთმო მშენებარე შენობების რეგისტრაციის პროცედურულ ასპექტებს და სასოფლო-სამეურნეო და არასასოფლო-სამეურნეო დანიშნულების მიწაზე უფლებების რეგისტრაციის სირთულეს.