ნიუ ვიჟენ უნივერსიტეტის იურიდიული ეთიკის კათედრამ, USAID სამართლის უზენაესობის პროგრამის მხარდაჭერით, გამართა საჯარო ლექციები ზუგდიდის შოთა მესხიას სახელობის სახელმწიფო სასწავლო უნივერსიტეტსა (ZSU) და ბათუმის შოთა რუსთაველის სახელმწიფო უნივერსიტეტში (BSU). ლექციებს უძღვებოდა ანა ლორია, ნიუ ვიჟენ უნივერსიტეტის იურიდიული ეთიკის თანათავმჯდომარე და საქართველოს ადვოკატთა ასოციაციის ეთიკის კომისიის წევრი.

ZSU-ში გამართული ლექცია ფოკუსირებული იყო თემაზე: „ადვოკატის როლი საზოგადოებაში, იურიდიული პროფესია და მართლმსაჯულება“. ლექციის დროს მომხსენებელმა განიხილა ადვოკატის როლის განსხვავებული ასპექტები შეერთებულ შტატებსა და ევროპაში. მან ასევე ისაუბრა საერთო სამართლისა და კონტინენტური სამართლებრივი სისტემების განსხვავებებზე.

BSU-ში გამართულ ლექციაზე ქალბატონმა ლორიამ ისაუბრა თემაზე „ხელოვნური ინტელექტის (AI) გამოყენება მართლმსაჯულების სფეროში“. მან მიმოიხილა იურიდიულ პროფესიაში AI-ის დანერგვასთან დაკავშირებული ეთიკური და პრაქტიკული მოსაზრებები, ხოლო ლექციის დროს განხილული ძირითადი თემები მოიცავდა: ხელოვნური ინტელექტის განმარტებას და მის გამოყენებას, როგორ იყენებენ იურისტები ხელოვნურ ინტელექტს იურიდიული კვლევისთვის, გადაწყვეტილების დასასაბუთებლად, პროპორციული სანქციების უზრუნველსაყოფად და რეციდივის თავიდან ასაცილებლად. ლექციაზე ასევე ხაზი გაესვა წყაროებს, რომლებსაც იურისტები ეყრდნობიან სამართლებრივი კვლევისას, და მათ პროფესიულ ვალდებულებებს ხელოვნური ინტელექტის გამოყენებისას, განსაკუთრებული აქცენტი კი ცრუ ან შეცდომაში შემყვანი ინფორმაციის გავრცელების პრევენციაზე გააკეთდა.

ლექციებს სამოცი სტუდენტი დაესწრო, რომლებიც აქტიურად იყვნენ ჩართულნი ქალბატონ ლორიასთან დისკუსიაში და დასვეს კითხვები ისეთ საკითხებზე, როგორიცაა იურისტების მიერ ხელოვნური ინტელექტის გამოყენების სიხშირე და მათი პროფესიული ვალდებულებები, ChatGPT-ის გამოყენება ადგილობრივ სამართლებრივ სისტემასა და ახორციელებენ თუ არა საქართველოში მოსამართლეები ხელოვნურ ინტელექტს თავიანთ საქმიანობაში.

სტუდენტები ასევე დაინტერესდნენ თუ როგორ მომქედებენ ადვოკატები მაშინ, როდესაც იციან, რომ კლიენტი სასამართლოს ცრუ ინფორმაციას აწვდის; შეუძლია თუ არა ადვოკატს წარმოადგინოს მტკიცებულებები, რომლებიც წინასწარი შეცნობით იცის, რომ ყალბია; და რამდენად გულწრფელები არიან კლიენტთან ურთიერთობისას, როდესაც თავად კლიენტები ცრუობენ.

ნიუ ვიჟენ უნივერსიტეტის წარმომადგენლებმა, USAID სამართლის უზენაესობის პროგრამის მხარდაჭერილი პროექტის მიზნების ფარგლებში რეგიონულ უნივერსიტეტებში სულ ექვსი საჯარო ლექცია ჩაატარეს.