2024 წლის 17 ივლისს, დამოუკიდებელი იურისტების ჯგუფმა და დემოკრატიის ინდექსი - საქართველომ, USAID სამართლის უზენაესობის პროგრამის მხარდაჭერით, ონლაინ პრეზენტაციას უმასპინძლა ბოსნია და ჰერცეგოვინაში. სასამართლოების მუშაობის შესახებ. პრეზენტაციას უძღვებოდა ბანია ლუკას სასამართლოს მოსამართლე, მარელა იევტოვიჩი. ღონისძიებას თოთხმეტი მართლმსაჯულების ექსპერტი და არასამთავრობო ორგანიზაციების წარმომადგენელი ესწრებოდა.

მოსამართლე იევტოვიჩმა განმარტა, თუ როგორ ფუნქციონირებს ბოსნია და ჰერცეგოვინას სასამართლო სისტემა. მან აღნიშნა, რომ მოსამართლეებს იუსტიციის უმაღლესი და საპროკურორო საბჭო ნიშნავს. დანიშვნების პროცესს შესაძლოა რამდენიმე თვე დასჭირდეს. მოსამართლემ ისაუბრა საქმწთა გადატვირთულობის გამოწვევაზე, რაც ნაწილობრივ კანონით გათვალისწინებული სამოქალაქო საქმეების ვადებს უკავშირდება.

მოსამართლემ ასევე, ისაუბრა ბოსნია და ჰერცოგოვინაში მოსამართლეთა კეთილსინდისიერების შემოწმების პროცესზე, რომელიც 2003-2004 წლებში მიმდინარეობდა.

ღონისძიება სასამართლო რეფორმატორთა საერთაშორისო ქსელის ლექციების სერიის ფარგლებში გაიმართა, რომელიც სხვადასხვა ქვეყნის გამოცდილების გაზიარებას ისახავს მიზნად. ქსელი აერთიანებს 59 წევრს აშშ-ს, ევროპის, აზიის, და ლათინური ამერიკის 23 სხვადასხვა ქვეყნიდან.