2023 წლის 30 ოქტომბრიდან 3 ნოემბრამდე, USAID სამართლის უზენაესობის პროგრამის მხარდაჭერით, ნიუ ვჟენ უნივერსიტეტის იურიდიული ეთიკის კათედრამ იაკობ გოგებაშვილის სახელობის თელავის სახელმწიფო უნივერსიტეტთან პარტნიორობით ჩაატარა იურიდიული ეთიკის ერთკვირიანი სწრაფი კურსი სამართლის სტუდენტებისთვის.

სწრაფი კურსი სტუდენტებს დაეხმარა გასცნობოდნენ გადაწყვეტილების მიღების ეთიკურ ასპექტებს, რაც მათ საშუალებას აძლევს მართონ იურიდიულ პრაქტიკაში შემხვედრი ეთიკური გამოწვევები. კურსი მოიცავდა ლექციების სერიას იურიდიული პრაქტიკის მარეგულირებელ კანონმდებლობსა და ადვოკატთა პროფესიული პასუხისმგებლობის შესახებ საქართველოს, აშშ-ისა და ევროპის რეგულაციების შედარებით ანალიზზე.

კურსს უძღვებოდა ქალბატონი ანა ლორია, რომელიც ნიუ ვიჟენ უნივერსიტეტის იურიდიული ეთიკის კათედრის თანათავმჯდომარეა, ასევე საქართველოს ადვოკატთა ასოციაციის (GBA) ეთიკის კომისიისა და საქართველოს არბიტრთა ასოციაციის (GAA) წევრი. ეთიკის სწრაფ კურსში მონაწილეობა 31 სტუდენტმა მიიღო, აქედან 19-ს კურსის წარმატებით დასრულებისთვის სერთიფიკატები გადაეცა.

ნიუ ვიჟენ უნივერსიტეტის იურიდიული ეთიკის კათედრამ, USAID სამართლის უზენაესობის პროგრამის მხარდაჭერით, რეგიონულ უნივერსიტეტებში უკვე ჩაატარა ოთხი სწრაფი კურსი.