2024 წლის 22-24 მაისს, USAID სამართლის უზენაესობის პროგრამის (პროგრამა) მხარდაჭერით გაიმართა პრაქტიკული სამართლის აკადემია, სადაც მონაწილეობა პრაქტიკული სამართლის პროგრამების განმახორციელებელმა საქართველოს 9 სამართლის სკოლამ მიიღო.

ორდღიანი ღონისძიების განმავლობაში, პროგრამის მიერ მოწვეულმა პრაქტიკული სამართლის ექსპერტებმა - ემი ვოლასმა და რიჩარდ გრაიმსმა,  დამსწრე სტუდენტებსა და პროფესორებს გაუზიარეს რჩევები პრაქტიკული სამართლის კურსების გასაუმჯობესებლად.

აკადემიას 23 მონაწილე დაესწრო, მათ შორის მოწვეული სამართლის სკოლების 15 სტუდენტი.  სამართლის სკოლის სტუდენტებმა თბილისის სახელმწიფო უნივერსიტეტიდან, ნიუ ვიჟენ უნივერსიტეტიდან, საქართველოს ეროვნული უნივერსიტეტიდან და სხვები, გაკვეთილების სიმულაციური ვერსიის პრეზენტაციისას მონაწილეებს გაუზიარეს თავიანთი წარმატების ისტორიები და შეაფასეს პრაქტიკული სამართლის კურსებში მონაწილეობის შედეგად გაუმჯობესებული უნარ-ჩვევები. სკოლების აკადემიურმა პერსონალმა, თავის მხრივ, ისაუბრეს თავიანთ პროგრამაში კურსის ხარისხისა და შედეგის გასაზომად გამოყენებული შეფასების ტექნიკაზე.

2022 წლიდან პროგრამა მუშაობდა ხუთ უნივერსიტეტთან, მათ შორის ბათუმის, ზუგდიდის, ქუთაისისა და თელავის რეგიონებში პრაქტიკული სამართლის კურსების შემუშავებისა და მათი ფაკულტეტის სასწავლო გეგმებში ინტეგრაციის მიზნით.

2023 წლიდან მოყოლებული, 40-ზე მეტმა სტუდენტმა გამოიყენა სამართლის სკოლის პროგრამებზე მიღებული ცოდნა აჭარის, ზუგდიდის, ქუთაისისა და თბილისის 25 საჯარო სკოლაში ქუჩის სამართლის 100-ზე მეტი გაკვეთილის ჩატარებით.