USAID სამართლის უზენაესობის პროგრამა მხარს უჭერს საქართველოს იურიდიულ სკოლებს 'პრაქტიკული სამართლის' პროგრამების შემუშავებასა და განხორციელებაში. პრაქტიკული სამართლის პროგრამები არის საგანმანათლებლო ინიციატივა, რა დროსაც სამართლის სტუდენტები აწვდიან იურიდიულ განათლებას საზოგადოების იმ პირებს, რომლებსაც შეიძლება არ ჰქონდეთ მასზე წვდომა.

პროგრამების მიზანია, ხელი შეუწყოს სოციალურ სამართლიანობას ადამიანების ყოველდღიურ ცხოვრებაში, მათი უფლებებისა და მოვალეობების შესახებ სწავლების გზით. პროგრამები ასევე ეხმარება სამართლის სტუდენტებს განივითარონ ძირითადი იურიდიული უნარები, მათ შორის იურიდიული ინფორმაციის არარიურისტებისთვის მიწოდება და პრეზენტაციის უნარი.

2023 წლის 21-23 თებერვალს, USAID სამართლის უზენაესობის პროგრამამ შეკრიბა ექვსი იურიდიული სკოლის [ქუთაისის, ბათუმის, სამცხე-ჯავახეთის, ზუგდიდის, თელავის და სულხან-საბა ორბელიანის უნივერსიტეტის] წარმომადგენლები, რათა განეხილათ ფორმატი, სწავლების მეთოდოლოგია და პრაქტიკული სამართლის კურსების ეფექტური განხორციელება.

სემინარს უძღვებოდნენ Street Law, Inc. ექსპერტები ემი უოლესი და რიჩარდ გრაიმსი. ჩატარდა ინდივიდუალური სესიები და ექსპერტების მიერ მოხდა თითოეული უნივერსიტეტის პრაქტიკული სამართლის კურსების შეფასება.

დამსწრე სამართლის სკოლების უმეტესობა გეგმავს საპილოტე პროგრამის დაწყებას პრაქტიკული სამართლის კურსისთვის 2023 წლის გაზაფხულის სემესტრიდან. გამოცდილებიდან და მიღებული გაკვეთილებიდან გამომდინარე, ისინი დაასრულებენ კურსის სილაბუსს რომელთა ინტეგრირება მოხდება 2023-2024 სასწავლო წლის კურიკულუმში.