2024 წლის 14 მარტს, USAID სამრთლის უზენაესობის პროგრამის ახალციხის ჰაბის ორგანიზებით ადვოკატთა პროფესიულ ეთიკასთან დაკავშირებით დისკუსია მოეწყო.

საქართველოს უზენაესი სასამართლოს მოსამართლე ეკატერინე გასიტაშვილი და საქართველოს ადვოკატთა ასოციაციის ეთიკის კომისიის წევრი ოთარ კაჭკაჭაშვილი შეხვედნენ ახალციხის, ბორჯომისა და ახალქალაქის ადვოკატებს. ასევე დისკუსიაში მონაწილეობას იღებდნენ ახალციხის რაიონული სასამართლოს  თანამშრომლები. 

დისკუსიაზე საუბარი შეეხო ისეთ თემებს, როგორიცაა: ადვოკატი-კლიენტის კომუნიკაცია სიტყვიერი, წერილობითი და აუდიო-ვიზუალური საშუალებებით, ადვოკატის ანაზღაურება და კლიენტ-ადვოკატის ურთიერთობა.

მონაწილეებმა განიხილეს საკონსულტაციო მოსაზრებების მნიშვნელობა, სერვისი - რომელსაც ეთიკის კომისია უწევს მის წევრებს, ეთიკური დარღვევების პრევენციისთვისა და სოციალური მედიის პლატფორმებზე იურიდიული პრაქტიკოსების ეთიკურ ქცევასთან დაკავშირებულ თანამედროვე გამოწვევებთან გამკლავებისთვის.

სესიის განმავლობაში დამსწრეებმა მოისმინეს მოსამართლე გასიტაშვილისა და  ადვოკატი კაჭკაჭაშვილის შეხედულებები იურიდიულ პროფესიაში გავრცელებულ ეთიკურ გამოწვევებთან დაკავშირებით.