2024 წლის ივნისში, დამოუკიდებელი იურისტების ჯგუფმა (GIL) და დემოკრატიის ინდექსი - საქართველომ (DIG), USAID სამართლის უზენაესობის პროგრამის მხარდაჭერით, ბათუმში, ქუთაისსა და თელავში საქართველოს სასამართლოებში საქმეთა გაჭიანურების მიზეზების შესახებ დისკუსიები გამართეს. პრეზენტაციებზე განიხილეს კვლევის მიგნებები, რომელიც GIL-ისა და DIG-ის მიერ 2023 წელს ჩატარდა.

კვლევამ გამოავლინა სასამართლო პროცესის გაჭიანურების რამდენიმე მიზეზი. მათ შორისაა საქმეთა ნაკადის მართვის ერთიანი სისტემის არარსებობა, რესურსების არაეფექტიანი და დავის გადაწყვეტის ისეთი ალტერნატიული მექანიზმების არასაკმარისად გამოყენება, როგორიცაა მედიაცია და არბიტრაჟი. 

მომხსენებლებმა აღნიშნეს, რომ საქართველოსა და მოწინავე ევროპულ ქვეყნებს შორის საქმეთა დაგროვების შედარებამ არ დაადასტურა ფართოდ გავრცელებული მტკიცება, რომ სასამართლო პროცესის გაჭიანურების უპირველესი მიზეზი მოსამართლეთა ნაკლებობაა.

დისკუსიებში სულ 62 ადამიანი მონაწილეობდა, მათ შორის არასამთავრობო ორგანიზაციების წარმომადგენლები, იურისტები და სტუდენტები.