მოსამართლე თიმ ბალანდმა USAID-ის მიწერ მხარდაჭერილი პროგრამის ერთიანობა მრავალფეროვნებაშიასა და USAID სამართლის უზენაესობის პროგრამებს შორის თანამშრომლობის ფარგლებში გამართა შეხვედრა 60-ზე მეტ ახალგაზრდასთან რეგიონებიდან.

1-10 აგვისტოს ახალქალაქსა და ახალციხეში ჩატარებულ შეხვედრებზე განხილული თემები არაერთ საკითხს მოიცავდა. მოსამართლე ბალანდმა, საკუთარი გამოცდილებიდან გამომდინარე, ისაუბრა სასამართლო სტრუქტურის სირთულეებზე. მან აღნიშნა თუ რამდენად შეუცვლელი პრინციპებია სამართლიანობა და დამოუკიდებლობა, რითაც ნათელი მოჰფინა სასამართლოს ფუნდამენტურ კომპონენტებს და ხაზი გაუსვა სასამართლოში არსებული ძალის კონტროლისა და ბალანსირების გადამწყვეტ როლს.

შეხვედრების დროს, მოსამართლე ბალანდმა დამსწრეებს ინფორმაცია მიაწოდა სხვადასხვა სასამართლო საქმეზე. მან საკუთარი გამოცდილების საფუძველზე ისაუბრა წარმატებისკენ მიმავალ გზაზე შემხვედრი გამოწვევების შესახებ. საუბარი ასევე შეეხო ნაფიცმსაჯულთა სასამართლოს საკითხს, რა დროსაც მოსამართლემ გამოკვეთილად ისაუბრა ნაფიცმსაჯულთა სასამართლოს მნიშვნელობაზე და იმ რთულ დინამიკაზე, რომელიც ამ პროცესს ახასიათებს.

„შეხვედრისას მოვყევი ისტორია 18 წლის ემიგრანტზე ცენტრალურ მინესოტაში, რომელსაც ბრალი ედებოდა პოლიციის ოფიცრისთვის ტყუილი სახელის დაძახებაში. მე მათ ავუხსენი, თუ როგორ შეიძლება ამ დანაშაულზე ბრალის დამტკიცებას მოჰყოლოდა მსჯავრდებულის დეპორტაცია და როგორ გააპროტესტა პროკურორმა ადვოკატის შუამდგომლობა, რომ სასჯელი დაკავების სანაცვლოდ შეცვლილიყო საზოგადოებისათვის სასარგებლო სამუშაოების შესრულებით. ამით მინდოდა აღმენიშნა, რომ სასამართლოები მიზნად ისახავენ სამართლიანად მოექცნენ ყველას, მათშორის ემიგრანტებსა და უმცირესობის წარმომადგენლებს“. - განაცხადა მოსამართლე ბალანდმა.

ახალგაზრდული ცენტრის წევრებმა განსაკუთრებული ენთუზიაზმი გამოავლინეს დისკუსიიდან არა მხოლოდ ცოდნის მიღებაში, არამედ მასში აქტიური წვლილიც შეიტანეს. დაისვა მრავალი კითხვა, მაგალითად, შეუძლია თუ არა მოსამართლეს შეამციროს გამოტანილი განაჩენით სასჯელის სახით მინიჭებული თავისუფლების აღკვეთის ვადა, მას შემდეგ რაც განაჩენი ძალაში შევა, არის თუ არა საზოგადოებისათვის სასარგებლო სამუშაოს დანიშვნა სასჯელის ერთ-ერთი სახე და რას ნიშნავს ცნება 'უვადო თავისუფლების აღკვეთა'. ახალგაზრდებმა შეხვედრაზე ახსენეს განათლების უფლება, რამაც გამოიწვია ნაყოფიერი დისკუსია იმის შესახებ, თუ რატომ არის განათლების უფლება ასეთი მნიშვნელოვანი, განსაკუთრებით მაშინ, როდესაც მას განვიხილავთ ხმის მიცემის უფლებასა და იმ სხვა თავისუფლებების ჭრილში, რომლებიც მოსამართლე ბალანდმა განიხილა შეხვედრისას.

სესიამ მნიშვნელოვანი შედეგი გამოიღო, რამაც ახალგაზრდებზე სასარგებლოდ იმოქმედა და მათ კიდევ უფრო გაიღრმავეს ცოდნა ინფორმირებული სამოქალაქო ჩართულობის შესახებ.