2024 წლის 26-28 იანვარს, ნიუ ვიჟენ უნივერსიტეტის პრაქტიკული უნარების ცენტრმა, USAID სამართლის უზენაესობის პროგრამის მხარდაჭერით, ქუთაისში, აკაკი წერეთლის სახელმწიფო უნივერსიტეტში ტრენერთა ტრენინგი (TOT) ჩაატარა.

აღნიშნულმა ინიციატივამ გააუმჯობესა პრაქტიკული უნარების სწავლება ქუთაისის სამართლის სკოლებში. ნიუ ვიჟენ უნივერსიტეტის პრაქტიკული უნარების ცენტრის ექსპერტთა ჯგუფის ხელშეწყობით, მათ შორის სოფო ჩაჩავას, თამარ ხატიაშვილის, ანა ლორიას, ნატალია ახალაძის და დავით კიკალეიშვილის მონაწილეობით, ტრენინგის სწავლება დაეფუძნა პროექტის ფარგლებში შემუშავებული პრაქტიკული უნარების კურსის სილაბუსს.

ტრენერების ჯგუფმა უზრუნველყო მონაწილეებისთვის მიეწოდებინათ ინსტრუქციების შემცველი მასალები, რათა ბაკალავრიატის სტუდენტებისათვის გაეადვილებინათ იურიდიული კვლევისა და სამართლებრივი  მართლწერის, კლიენტთან ინტერვიუს, მოლაპარაკების, მედიაციის, პროცედურული უნარებისა და პროფესიული ეთიკის სწავლება.

სემინარმა მონაწილეებს საშუალება მისცა გასცნობოდნენ სწავლების ეფექტური მეთოდოლოგიებს და გამოეკვლიათ, თუ როგორ შეიძლება პრაქტიკული უნარების სწავლების ინტეგრირება სასწავლო პროგრამაში. ღონისძიებას ესწრებოდა ოცდასამი სამართლის პროფესორი და მოწვეული ლექტორი სხვადასხვა უნივერსიტეტიდან.