2023 წლის 5 დეკემბერს, ადამიანის უფლებათა კვირეულის ფარგლებში, ილიას სახელმწიფო უნივერსიტეტის (ილიაუნი) სამართლის სკოლის ადამიანის უფლებათა კათედრამ, USAID სამართლის უზენაესობის პროგრამის მხარდაჭერით, თბილისის N21 საჯარო სკოლაში გამართა სამი საინფორმაციო შეხვედრა ადამიანის უფლებათა შესახებ.

ილიაუნის მაგისტრატმა სტუდენტებმა სკოლის 60 მოსწავლეს გააცნეს ადამიანის უფლებების საკითხები და განუმარტეს საქართველოში ადამიანის უფლებების დასაცავად გამოყენებული სამართლებრივი მექანიზმები.

პირველი დისკუსიის დროს აიჰან ჰასანლი მე-11 კლასის მოსწავლეებს ბავშვის სამართლიანი სასამართლოს უფლების შესახებ ესაუბრა, რამაც დისკუსია გამოიწვია თემაზე - შეუძლიათ თუ არა ბავშვებს სასამართლოს მიმართონ წარმომადგენლის გარეშე.

ილია კუჭავა მე-10 კლასელებს ბავშვთა შრომით უფლებებსა და ამჟამად არსებულ დამცავ მექანიზმებზე ესაუბრა, ნუცა ოსიაშვილმა კი განმარტა, თუ როგორ მუშაობს სახალხო დამცველის აპარატის ბავშვთა უფლებების დაცვის დეპარტამენტი და როგორ შეუძლიათ არასრულწლოვანებს მიმართონ ომბუდსმენს დახმარების გასაწევად. ზოგიერთი მე-10 კლასელი დაინტერესდა რა ასაკიდან შეუძლიათ ბავშვებს იყვნენ შრომითი ურთიერთობის სუბიექტი, რა არის კანონით დადგენილი ზღვარი და როგორ განისაზღვრება სამუშაო საათები.

თამარ ფაჩულიას პრეზენტაციას პერსონალური მონაცემების დაცვის აუცილებლობასა და პრაქტიკაში აღნიშნულის განხორციელებაზე, ზოგიერთი მოსწავლისგან მოჰყვა კითხვები სკოლის როლზე  მსგავსი ტიპის მონაცემების დაცვაზე.