საქართველოს ადვოკატთა ასოციაციამ (GBA), USAID სამართლის უზენაესობის პროგრამის მხარდაჭერით, ჩაატარა ეფექტიანი კომუნიკაციის ტრენინგი საკუთარი თანამშრომლებისთვის, რაც მიზნად ისახავდა დაინტერესებულ მხარეებთან ასოციაციის ურთიერთობისა და კმაყოფილების ხარისხის გაუმჯობესებას. 

21 მაისს ჩატარებულ ტრენინგს 12 მონაწილე ჰყავდა ანალიტიკური და საკომიტეტო საქმიანობის დეპარტამენტიდან, ეთიკის კომისიიდან, ადმინისტრაციული დეპარტამენტიდან და სასწავლო ცენტრიდან.

სესიაზე, რომელსაც ხელმძღვანელობდა კომუნიკაციის ექსპერტი ირინა ბრეგვაძე, ინტეგრირებული იყო როგორც თეორიული, ასევე პრაქტიკული კომპონენტები კომუნიკაციისათვის აუცილებელი კომპეტენციების განსავითარებლად.

ტრენინგი მოიცავდა რამდენიმე სფეროს, მათ შორის მიზნების, პროცესებისა და ეფექტური კომუნიკაციის საფეხურების გაგებას. ასევე გამოკვეთილი იყოს კომუნიკაციის პროცესში არსებული დაბრკოლებები, კომუნიკაციის ეფექტურობის შეფერხების ფაქტორების იდენტიფიცირებით და შემოთავაზებული იყო მათი შერბილებისა და აღმოფხვრის გზები. ტრენინგზე განიხილეს კომუნიკაციის ხარისხის გაუმჯობესების სტრატეგიები, მათ შორის ისეთი არავერბალური კომუნიკაციის აღიარება და გამოყენება, როგორიცაა სხეულის ენა. მონაწილეებმა შეაფასეს კომუნიკაციის საკუთარი ძლიერი და სუსტი მხარეები, შეისწავლეს დამაჯერებელი არგუმენტირების ტექნიკა და გაივარჯიშეს პრეზენტაციის უნარებში.

ტრენინგის ერთ-ერთმა მონაწილემ ნინო მაჭარაშვილმა მადლიერება გამოხატა ტრენინგის მიმართ და აღნიშნა, რომ მიღებული ცოდნა მას დაეხმარება როგორც პროფესიულ, ასევე პირად ურთიერთობებში. "ეფექტური კომუნიკაციის თეორიული ნორმების გააზრება და პრაქტიკული გამოცდილების მიღება საშუალებას მომცემს უკეთ ვითანამშრომლო კოლეგებთან და იურისტებთან, ასევე ასოციაციის სხვა პარტნიორებთან. ეფექტური კომუნიკაცია არის ნდობის მოპოვებისა და მეორე მხარის ინტერესების დაკმაყოფილების გასაღები."

ლევან სურამელაშვილმა ხაზი გაუსვა ტრენინგის პიროვნულ სარგებელს და აღნიშნა: „შეძენილი ცოდნა დამეხმარება უფრო მეტად გავაკონტროლო საკუთარი თავი სხვებთან ურთიერთობაში და ვკონცერტრირდე ჩემს ემოციურ სისუსტეებზე, მათ გამოსასწორებლად. ასევე, მიღებული ცოდნა დამეხმარება სხვისი ემოციური მდგომარეობის გაანალიზებაში, კომუნიკაციის შესაბამისად წასამართად”.

USAID სამართლის უზენაესობის პროგრამა მზად არის გააგრძელოს GBA-ს მხარდაჭერა მუდმივი პროფესიული განვითარებისა და ეფექტური შიდა და გარე კომუნიკაციისთვის, რაც ქმნის ორგანიზაციის წარმატების სტანდარტს.