საქართველოს ახალგაზრდა იურისტთა ასოციაციის (საია) ქუთაისის ფილიალმა, USAID სამართლის უზენაესობის პროგრამის მხარდაჭერით ჩაატარა იმიტირებული სასამართლო პროცესი აკაკი წერეთლის სახელმწიფო უნივერსიტეტში ბავშვთა სამოქალაქო უფლებებზე. პროცესში 16 სკოლის მოსწავლე მონაწილეობდა და შეეხებოდა ბავშვის ინტერესების დაცვას განქორწინების საქმეში, სადაც მამა ითხოვდა შვილისათვის ნახვის საათების განსაზღვრას.

პროცესი გაიმართა საიას საკვირაო სკოლის ფარგლებში, პროგრამა, რომელიც მიზნად ისახავს სტუდენტების ინფორმირებას და ჩართვას სხვადასხვა თემებზე, როგორიცაა სამართლიანი სასამართლოს სტანდარტები, ბავშვების სამოქალაქო უფლებები, გამოხატვის თავისუფლება და რელიგიური უფლებები.

საიას ქუთაისის ფილიალის თავმჯდომარემ, დარინე სალდაძემ ხაზგასმით აღნიშნა, რომ მსგავსი შემთხვევები მათ პრაქტიკაში ხშირია და ასეთ შემთხვევებში ბავშვის ინტერესი ყოველთვის უპირატესია, განსაკუთრებით მოწყვლადი ჯგუფების უფლებების დაცვის ნაწილში. იმიტირებული სასამართლო პროცესის დროს მთავარი დისკუსია შეეხებოდა შეზღუდული შესაძლებლობის მქონე ბავშვების უფლებებს, მათ საჭიროებებსა და უფლებებს ჯანსაღი განვითარების გარემოზე.

ანა შალამბერძემ, USAID სამართლის უზენაესობის პროგრამის კანონის უზენაესობის რეგიონული ცენტრის ადვოკატმა ქუთაისში, შეაქო სტუდენტების ინტერესი, რომ მონაწილეობა მიიღონ ადამიანის უფლებების დაცვის საქმეში. ანა შალამბერძემ სიამაყე გამოხატა პარალეგალი სტუდენტებით, რომლებიც ამავდროულად ასწავლიდნენ საიას საკვირაო  სკოლის ბავშვებს, მოამზადეს ისინი იმიტირებულ სასამართლო პროცესისთვის და ეს ყველაფერი წარმოადგენს დადასტურებას, რომ პარალეგალების პროგრამა უკვე წარმატებულია ადამიანის უფლებათა საკითხებზე ინფორმაციის გავრცელებაში.

ქუთაისელი იურისტებისაგან დაკომპლექტებულმა ჟიურიმ სხვადასხვა მონინაციაში გამარკვებული პირები გამოავლინა, მათ შორის საუკეთესო განმცხადებელი, მოპასუხე, მომხსენებელი, ყველაზე გამჭრიახი მოაზროვნე და გამოჩენილი იურისტი. პროგრამამ გამარჯებულ მომხსენებლებსა და ჯგუფს ჯილდოები გადასცა, მათ შორის 14 მხატვრული წიგნი, როგორც ქართველი, ასევე უცხოელი ავტორების.