USAID სამართლის უზენაესობის პროგრამის მხარდაჭერით, აჭარაში მოქმედი არასამთავრობო ორგანიზაციის მწვანე სექტორის ორგანიზებით, სკოლის მოსწავლეებისთვის ადგილობრივ სასამართლოებში საგანმანათლებლო ვიზიტები მოეწყო.

2023 წლის 15 ნოემბერს ბათუმის საქალაქო სასამართლოს ხულოს მუნიციპალიტეტის ბოძაურის და განახლების საჯარო სკოლებისა და ბათუმის სკოლა „თაობის“ მოსწავლეები ეწვივნენ, სადაც მათ მოსამართლე გულიკო ყაჟაშვილმა უმასპინძლა. მოსამართლე მოსწავლეებს სასამართლოს როლსა და სასამართლო პროცესზე ესაუბრა. ახალგაზრდები სხდომას დაესწრნენ და საქმის განხილვის სპეციფიკასაც გაეცნენ.

2023 წლის 3 და 28 ნოემბერს, საქართველოს საკონსტიტუციო სასამართლოს ესტუმრნენ შუახევის მუნიციპალიტეტის სოფლების ვერნების, ბუთურაულის, წყაროთას და ახალდაბას საჯარო სკოლების და ქალაქ ბათუმის მე-9 საჯარო სკოლისა და სკოლა თაობის მოსწავლეები. საკონსტიტუციო სასამართლოს მდივანმა გიორგი ლომთაძე ახალგაზრდებს  კონსტიტუციის მნიშვნელობაზე, საკონსტიტუციო სასამართლოს ფუნქციებსა და სტრუქტურაზე ესაუბრა.

ნოემბრის თვეში გამართულ ტურებში სულ 88 მოსწავლე მონაწილეობდა. საგანმანათლებლო ვიზიტები მწვანე სექტორის პროექტის ფარგლებში იმართება, რომლის მიზანი მართლმსაჯულების ინსტიტუტებსა და საზოგადოებას შორის ჩართულობის ხელშეწყობა.